1 Samuel 6:4 - AHYERƐLƐ KRONGRON

⁴ Na Filistifoɛ bisale kyɛ, “Nzikyɛ foɛlilɛ afɔleɛ yeɛ yɛfa yɛɛma ye ɔ?” Bebuale kyɛ, “Ɛ́mɔfa sikaa kɔkorɛ bɛ́yɔ mbɔmbɔ nnu ne mmurokuruwa nnu, kyɛbɔ Filisti ahemvo mɔ somaa te ɔ, ofikyɛ amaneɛ komapɛ ne ala yeɛ wawa ɛmɔ amukoraa ne ɛmɔ ahemvo mɔ so ɔ.

1 Samuel 6:4 Iomraidhean Croise

Ɛksadɔso 12:35

Yisraelfoɛ yɔle kyɛbɔ Mose ha hyirele bɛ ne, ofikyɛ né badide ɛdwetɛ ne sikaa kɔkorɛ mbembenanneɛ ne ɛtena bafi Misraimfoɛ berɛ.

Yosua 13:3

fite asue Sihɔ bɔ ɔwɔ Misraim eyia afiteleɛ bɔ ɔkwaadwu Ekron ɛwɛen so wɔ ye sorɔ dɔ ne. Ye mukoraa te Kanaan aseɛ. Filistifoɛ ahemvo nnu yeɛ bɛwɔ berɛ ɔ. Bɛwɔ Gasa, Asedɔde, Asekelɔn, Gate ne Ekron, yeɛ Awimfoɛ koso bɔ bɛwɔ ngwaen dɔ ne.

Maenbulɛfoɛ 14:19

Yeɛ AWURADE Sunzum wale Samson so, na osili nu hɔle Asekelɔn. Ohuni kuro berɛ mmienzua aburasa. Opuropurole bɛ ndaadeɛ yɛle koɛ nu nzesadeɛ. Na ndaadeɛ bɔ bewura bɛkɔ dwaabɔlɛ bo ne, ɔfa brɛle bɛ bɔ behyirele anyandera ne abo ne. Afei ole ɛyaa piri sa hɔle ye baba kuro.

Maenbulɛfoɛ 3:3

Maen nemɔ ole Filistifoɛ ahemvo nnu ne, Kanaanfoɛ amukoraa, Sidonfoɛ, ɔne Hiwifoɛ bɔ bɛte Lebanon bokaa ne aso ne, ofi Baal Hɛmɔn bokaa ne aso bɔ ɔkwaadwu Lebo Hamate ne.

1 Samuel 5:12

Na bɛ bɔ banwu ne, mbɔmbɔ bobɔle bɛ, na kuro berɛ ama hɔle so bɛbɔle awuye piri paa.

1 Samuel 5:6

AWURADE tumi tuale Asedɔdefoɛ so kerɛ piri paa: ɔfale amaneɛ piri paa tole Asedɔde ne ye mbɔtam so, ɔmane mbɔmbɔ bobɔle bɛ.

1 Samuel 5:9

Nakoso bɛfa bɛhɔle Gate nen, AWURADE tumi tuale kuro ne aso kerɛ piri paa. Ahunundetelɛ piri paa tɔle bɛ so. Ɔmane kuro berɛ mbanyi ne ngwalaa mukoraa nwuni amaneɛ, na mbɔmbɔ bobɔle bɛ.

1 Samuel 6:5

Yiti mbɔmbɔ ne mmurokuruwa mɔ bɔ bɛ́sɛkye ɛmɔ maen nen, ɔsɛ kyɛ ɛmɔyɛ bɛ sɛso, ná ɛmɔfa animnyam bɛma Yisrael Nyameɛ ne. Ebiaa amaneɛ piri paa bɔ wafa wato ɛmɔ ne ɛmɔ nyameɛ mɔ ɔne ɛmɔ aseɛ so ne, ɔkɔyakyi.

1 Samuel 6:8

Ɛ́mɔfa AWURADE alaka ne bésie teaseɛnam ne aso. Na sikaa kɔkorɛ nningyein bɔ ɛmɔfa bɛyɛ foɛlilɛ afɔleɛ bɛma ye ne de, ɛ́mɔfa bégua alaka bie anu bésie apam alaka ne anwo berɛ. Na afei ɛ́mɔyakyi ye ate ma ye bɔbɔ ɔhɔ ye atee.