1 Samuel 6:3 - AHYERƐLƐ KRONGRON

³ Na bebuale kyɛ, “Sɛ ɛmɔye Yisrael Nyameɛ apam alaka ne befi wa bɛkɔ a, ye de nnɛma ɛmɔfa ye mbaen bɛkɔ, na mmom ɔsɛ kyɛ ɛmɔfa foɛlilɛ afɔleɛ bɛboka so bɛkɔma ye. Na ɛhe kɔma ɛmɔ anwonyerɛ ne kɔhɔ, na ɛmɔkonwu bɔ yiti yeɛ ɔmma ye amaneɛ piri paa he omvi ɛmɔ so ye.”

1 Samuel 6:3 Iomraidhean Croise

YOB NWOMAA NE 10:2

Ngɔhã ngohyire Nyameɛ kyɛ, ‘Nnɛbua me fɔ. Maa nwu nikyee bɔ yiti yeɛ afa wɔ dwirɛ ateta me e.

Ɛksadɔso 23:15

“Di Paanoo Kabrɛdi aluolue ne. Fa ɛlɛsoo di paanoo kabrɛdi, wɔ mmerɛ bɔ mahyɛ ne, wɔ bosome Abibo nu, kyɛbɔ mahyɛ wɔ ne ala. Ofikyɛ sɔ bosome ne anu yeɛ etuli wɔ bo fili Misraim ɔ. Nnɛma ebiala fa ye sa mbaen ba me nyunu.

Ɛksadɔso 34:20

Fa boaen ba sesã afunum bamuɛbaa biala, nakoso sɛ anzesã ye de a, ye de bu afunum ne kɔme anu. Wɔ mma nemɔ anu bamuɛbaa bienzua biala, odi kyɛ ɛpɔ ye fi AWURADE berɛ. Nnɛma ebiala fa ye sa mbaen ba me nyunu.

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Lewitikɔso 5:6

ná ɔ́fa ye foɛlilɛ afɔleɛ ɔbrɛ AWURADE, ɔnate bɔne bɔ wayɔ ne ati. Odi kyɛ ɔfa boaen beleɛ anaa abɔngye beleɛ ɔbɔ foɛlilɛ afɔleɛ, na ɔsɔfo ne kɔsrɛ mbata kɔma ye, ɔnate ye bɔne ti.

Lewitikɔso 6:6

Na odi kyɛ ɔfa ye foɛlilɛ nwo afɔleɛ bɔ ɔfa ma AWURADE ne ɔbrɛ ɔsɔfo: mmoaen kure ne anu boaen nyii bɔ ollili nnɛen biala ɔ, kyɛbɔ ɛnea ye nyɔboɛ fata foɛlilɛ afɔleɛ ɔ.

Deuteronomi 16:16

“Afoɛ biala, ɔsɛ kyɛ wɔ mmienzua mukoraati ba AWURADE wɔ Nyameɛ nyunu pɛen nza, wɔ nekaa bɔ okohyire ne: wɔ Paanoo Kabrɛdi aluolue ne, Dapɛn Dapɛn aluolue ne, yeɛ Asese aluolue ne anu. Nnɛmaa bɛfa bɛ sa mbaen bɛba AWURADE nyunu.

1 Samuel 5:11

Yeɛ bɛsomane maa bɛɛfrɛfrɛle Filisti ahemvo amukoraa maa beyiale, na besele bɛ kyɛ, “Ɛ́mɔye Yisrael Nyameɛ apam alaka ne béfi wa besa bɛɛfa besie ye boso, ná wangukũ yɛ ne yɛ kuro ama.” Ofikyɛ né ewue nwo ahunundetelɛ atɔ kuro ne aso amukoraa. Né Nyameɛ ama ɛhawo piri paa awa berɛ.

1 Samuel 5:7

Na Asedɔdefoɛ nwuni kyɛbɔ nningyein si sisi nen, bɛhane kyɛ, “Ɔnzɛ kyɛ yɛma Yisrael Nyameɛ apam alaka ne ɔka yɛ wa, ofikyɛ watua yɛ ne yɛ nyameɛ Dagɔn so kerɛ piri paa.”

1 Samuel 5:9

Nakoso bɛfa bɛhɔle Gate nen, AWURADE tumi tuale kuro ne aso kerɛ piri paa. Ahunundetelɛ piri paa tɔle bɛ so. Ɔmane kuro berɛ mbanyi ne ngwalaa mukoraa nwuni amaneɛ, na mbɔmbɔ bobɔle bɛ.

1 Samuel 6:8

Ɛ́mɔfa AWURADE alaka ne bésie teaseɛnam ne aso. Na sikaa kɔkorɛ nningyein bɔ ɛmɔfa bɛyɛ foɛlilɛ afɔleɛ bɛma ye ne de, ɛ́mɔfa bégua alaka bie anu bésie apam alaka ne anwo berɛ. Na afei ɛ́mɔyakyi ye ate ma ye bɔbɔ ɔhɔ ye atee.

1 Samuel 6:9

Afei ɛ́mɔfa ɛmɔ nye beli ye si. Sɛ ɔfa atee ne aso ɔkɔ Bete Semese ɔkɔ ye bɔbɔ ye maen nu a, ye de AWURADE yeɛ wafa amaneɛ piri he wato yɛ so ɔ. Nakoso sɛ wangɔ dɔ a, ye de yɛkonwu ye kyɛ nna AWURADE yeɛ wafa amaneɛ piri he wato yɛ so ɔ, na mmom asane bie mbaen yeɛ wato yɛ ɔ.”