1 Samuel 6:2 - AHYERƐLƐ KRONGRON

² Afei Filistifoɛ tole asaa bɛfrɛfrɛle b’ahɔmeɛ ne bɛ musueyelɛfoɛ, na bebisale bɛ kyɛ, “AWURADE alaka ne, yɛ́yɛ ye sɛ? Nikye horɛ bɔ ɔsɛ kyɛ yɛfa yɛboka so ná yafa yaasie ye boso ne, ɛmɔhã behyire yɛ.”

1 Samuel 6:2 Iomraidhean Croise

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

Ɛksadɔso 7:11

Faro koso frɛfrɛle mmenia bɔ bɛse ase, ɔne musueyelɛfoɛ maa bɛwale, na sɔ Misraim ngonyaayelɛfoɛ nemɔ koso yele ngonyaa yɔle sɔ ala.

Yesaya 2:6

Amba, apo wɔ mmenia, Yakob boso ama nemɔ, ofikyɛ eyia afiteleɛ ahɔmeɛ bɛ ne Filisti ngonyaayelɛfoɛ bayi maen ne anu tɛkyɛ, na Yakob boso ama nemɔ, bɛ ne maen maen mɔ nu ama yeɛ bɛbɔ afɛ ɔ.

Daniel 2:2

Na Nana Nebukadenesa hyɛle kyɛ bɛɛfa ngonyaayelɛfoɛ, bɛ bɔ bɛnea nzramaa nu bɛkã nu dwirɛ, musueyelɛfoɛ ne Kaldeafoɛ ma bɛbra beehyire ye laleɛ nemɔ abo. Yiti bɛwale beegyinane Nana nyunu.

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Mateo 2:4

Yiti ɔfrɛfrɛle maen ne anu asɔfo mbanyi ne ahyerɛlɛfoɛ amukoraa maa beeyiale, na obisale bɛ penane neka horɛ bɔ bɛkɔwo Kristo ne ɔ.

1 Samuel 5:8

Yiti bɛsomane maa bɛɛfrɛfrɛle Filisti ahemvo amukoraa maa beyiale, na bebisale bɛ kyɛ, “Yisrael Nyameɛ apam alaka ne, yɛ́yɛ ye sɛ koraa?” Na bebuale kyɛ, “Ɔsɛ kyɛ yɛye Yisrael Nyameɛ apam alaka ne yɛfi wa yɛkɔ Gate.” Yiti bɛyele Yisrael Nyameɛ apam alaka ne befili berɛ bɛhɔle Gate.

1 Samuel 6:1

AWURADE alaka ne lili bosome nzoo wɔ Filistifoɛ aseɛ so.