1 Samuel 6:17 - AHYERƐLƐ KRONGRON

¹⁷ Esikaa kɔkorɛ mbɔmbɔ bɔ Filistifoɛ fa yɛle foɛlilɛ afɔleɛ bɛɛmane AWURADE ne, bɛ ɛhe: Asedɔde deɛ ko, Gasa deɛ ko, Asekelɔn deɛ ko, Gate deɛ ko, yeɛ Ekron deɛ ko.

1 Samuel 6:17 Iomraidhean Croise

2 Samuel 1:20

Nnɛma ɛmɔbɔ so wɔ Gate, nnɛma ɛmɔbɔ ye nwo dawure wɔ Asekelɔn dwaaso; ɛmɔbɔ so a, Filisti mmrasua koli ahurusi, na mmenia bɔ bɛmbɛ bɛ bienzua ne, bɛ mmrasua nye kɔgye.

2 Samuel 21:22

Sɔ mmenia nna ne, bɛte Gate kwabranoa nemɔ bɛ bosofoɛ nemɔ bie. Na Dawide ne ye mmenia nemɔ huhuni bɛ.

2 Ahemvo 1:2

Ahasia ahemvie bɔ ɔwɔ Samaria ne, né Ahasia wafi ye aborɔsaen ne mboma nu wate watɔ. Opurale, yiti otuli ɛbɔfoɛ mɔ kyɛ, “Ɛmɔhɔ Ekron bosoen Baal Sebubo so na ɛmɔɔbisa sɛ me puralɛ bɔ mapura ye ngɔte apɔ a?”

2 Aberɛso Dwirɛ 26:6

Yusia sili nu ɔɔfale koɛ ɔtoale Filistifoɛ, na obubuli Filistifoɛ nguro hemɔ fasue guaguale ase: Gate, Yabene ne Asedɔde. Na ɔkyekyele nguro wɔ Asedɔde mbɔtam ne Filistifoɛ aseɛ nemɔ aso.

Yeremia 25:20

ne amanvrafoɛ amukoraa, Yuse aseɛ so ahemvo amukoraa, Filisti aseɛ so ahemvo amukoraa, yeɛ Asekelɔn, Gasa, Ekron ne Asedɔde ngaa ne;

Lewitikɔso 5:7

“Na sɛ ye nwo ngɔso boaen so a, ye de maa ɔfa mmorɔma nyɔ anaakyɛ mmorɔnoma buruwa nyɔ ɔɔbɔ foɛlilɛ afɔleɛ ɔma AWURADE, ɔnate bɔne bɔ wayɔ ne ati; odi kyɛ ɔfa ko ɔbɔ bɔne nwo afɔleɛ ná ɔfa ko koso ɔbɔ naen yeralɛ afɔleɛ.

Amose 1:6

AWURADE nwa nyoo, “Ɔnate Gasa ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛsoale mmenia bɔ bahye bɛ nnure ne amukoraa bɛfale bɛ beewurale Edom sa.

Amose 6:2

Ɛ́mɔpɛ nu bɛhɔ Kalene bɛɛnea, na ɛmɔfi berɛ a, ɛmɔhɔ kuro piri Hamate; afei ɛ́mɔtoro bɛhɔ Filistifoɛ kuro Gate. Aso bɛte paa bɛtra sɔ ahennie hemɔ? Anaa b’aseɛ te piri tra ɛmɔ aseɛ anaa?

Deuteronomi 28:27

AWURADE kɔte anwonyerɛ koangɔ hemɔ kogua wɔ so: Misraim mbɔmbɔ, ngena, nyaen ne asee.

Maenbulɛfoɛ 1:18

Yuda ho fale Gasa ne ye nwo aseɛ, Asekelɔn ne ye nwo aseɛ, yeɛ Ekron ne ye nwo aseɛ.

Maenbulɛfoɛ 14:19

Yeɛ AWURADE Sunzum wale Samson so, na osili nu hɔle Asekelɔn. Ohuni kuro berɛ mmienzua aburasa. Opuropurole bɛ ndaadeɛ yɛle koɛ nu nzesadeɛ. Na ndaadeɛ bɔ bewura bɛkɔ dwaabɔlɛ bo ne, ɔfa brɛle bɛ bɔ behyirele anyandera ne abo ne. Afei ole ɛyaa piri sa hɔle ye baba kuro.

Maenbulɛfoɛ 16:1

Ɛlɛho bie, Samson hɔle Gasa. Onwuni brasua gyanderaniɛ bie wɔ berɛ, na ɔne ye bɛɛlale.

Maenbulɛfoɛ 16:21

Yiti Filistifoɛ hyele ye, na betutuli ye nye. Bɛfale ye bɛhɔle Gasa, na bɛfale kɔɔbere ngɔnzɔngɔnzɔ beguale ye. Na ɔla kuku nu berɛ ne, né ye yeɛ opia ngaen bɔ bɛfa beti aburoo ɔ.

1 Samuel 5:1

Mmerɛ bɔ Filistifoɛ lele Nyameɛ apam alaka ne fili Yisrael sa nu nen, bɛfa befili Ebenesa bɛhɔle Asedɔde.

1 Samuel 5:10

Yiti bɛmaa bɛfale Nyameɛ apam alaka ne bɛhɔle Ekron. Nakoso bɛfale Nyameɛ apam alaka ne bedwuli Ekron nen, Ekronfoɛ teateane nu kyɛ, “Bafa Yisrael Nyameɛ apam alaka ne bawa yɛ wa kyɛ bɛbaafa bekuku yɛ ne yɛ kuro ama.”

1 Samuel 5:8

Yiti bɛsomane maa bɛɛfrɛfrɛle Filisti ahemvo amukoraa maa beyiale, na bebisale bɛ kyɛ, “Yisrael Nyameɛ apam alaka ne, yɛ́yɛ ye sɛ koraa?” Na bebuale kyɛ, “Ɔsɛ kyɛ yɛye Yisrael Nyameɛ apam alaka ne yɛfi wa yɛkɔ Gate.” Yiti bɛyele Yisrael Nyameɛ apam alaka ne befili berɛ bɛhɔle Gate.

1 Samuel 6:4

Na Filistifoɛ bisale kyɛ, “Nzikyɛ foɛlilɛ afɔleɛ yeɛ yɛfa yɛɛma ye ɔ?” Bebuale kyɛ, “Ɛ́mɔfa sikaa kɔkorɛ bɛ́yɔ mbɔmbɔ nnu ne mmurokuruwa nnu, kyɛbɔ Filisti ahemvo mɔ somaa te ɔ, ofikyɛ amaneɛ komapɛ ne ala yeɛ wawa ɛmɔ amukoraa ne ɛmɔ ahemvo mɔ so ɔ.