1 Samuel 6:14 - AHYERƐLƐ KRONGRON

¹⁴ Teaseɛnam ne dwuli Bete Semeseniɛ Yosua ye boo ne anu ne, ogyinane berɛ. Né nyɔbotaen bie timu berɛ, na bebubuli teaseɛnam mmakaa ne anu bɛsɔle see. Bɛfale nandwie nemɔ bɛbɔle naen yeralɛ afɔleɛ bɛmane AWURADE.

1 Samuel 6:14 Iomraidhean Croise

2 Samuel 24:18

Gade wale Dawide berɛ sɔ kyẽa ne oosele ye kyɛ, “Yebusiniɛ Arayuna ye nekaa bɔ bɛboro aburoo ne, fo kɔ berɛ kosi afɔleɛ bokyea ma AWURADE.”

2 Samuel 24:22

Yeɛ Arayuna sele Dawide kyɛ, “Nana, me mene, fa, fa aseɛ ne, ná bɔ afɔleɛ biala bɔ ekuro ɔ. Nandwie mɔ bɔ ɛkɔfa kɔbɔ naen yeralɛ afɔleɛ ɛhe, yeɛ ndaboa bɔ bɛboro so aburoo, ɔne nandwie kɔme anu mmakaa bɔ ɛkɔfa kɔsɔ see ɛhe.

2 Samuel 24:25

Dawide sili afɔleɛ bokyea mane AWURADE wɔ berɛ, na ɔbɔle naen yeralɛ afɔleɛ ne asomdwee afɔleɛ. Yiti AWURADE gyinane ye sufrɛ ne aso nwuni maen ne anwumvoin, na ɔpraprale ɛhawo ne fili Yisrael.

1 Ahemvo 19:21

Elisa andoa so wanni Elia si. Elisa ɔɔfale ye nandwie nyii nyɔ bɔ bafa kɔnnua basosɔ bɛ babɔ nu nemɔ, na ohuhuni bɛ. Mmakaa bɔ ɔsosɔ bɛ ne, ɔfa sɔle see tone bɛ naen ne, na ɔfa mane mmenia nemɔ maa belili. Afei osili nu oolili Elia si, na ɔɔyɛle Elia somvoɛ.

Ɛksadɔso 20:24

Wɔ de, si nnɛterɛ afɔleɛ bokyea ma me, na so yeɛ fa wɔ mmoaen ne wɔ nandwie bɔ naen yeralɛ afɔleɛ, ɔne w’asomdwee afɔleɛ ɔ. Na nekaa biala bɔ ngɔmaa ɛkɔkaye me dumaa nen, ngɔwa wɔ berɛ ngooyira wɔ.

Maenbulɛfoɛ 21:4

Ye alehyeleɛ ne, maen ne dwɔsole ngyerɛmɔ tutuutu. Besili afɔleɛ bokyea wɔ berɛ, na bɛbobɔle naen yeralɛ afɔleɛ ne asomdwee afɔleɛ.

Maenbulɛfoɛ 6:26

Si afɔleɛ bokyea ma AWURADE wɔ Nyameɛ wɔ bokaa he ti afia, ná hyehyɛ afɔleɛ bokyea nyɔboɛ ne pɛpɛɛpɛ. Afei fa nandwie nyii bɔ ɔtɔ so nyɔ ne, ná fa bosoen Asera dosii bɔ ɛkɔpɛ ne boka so bɔ naen yeralɛ afɔleɛ.”

1 Samuel 11:5

Sɔ mmerɛ ne, né Sɔɔlo ɔ́ka nandwie mɔ ofi eburo ba kuro, na obisale kyɛ, “Nzikyɛ dwirɛ yeɛ wato mmenia ye mɔ bɔ besu ye?” Na bɛfale Yabesefoɛ amaneɛ ne bɛbɔle ye.

1 Samuel 20:29

Ɔnwa: ‘Mesrɛ wɔ ala, ma me ate ma ngɔ, ofikyɛ m’abusua kwaabɔ afɔleɛ wɔ kuro berɛ, na nniɛma ahyɛ me kyɛ mmra berɛ bie. Yiti mesrɛ wɔ ala, ma me ate ma ngonwu nniɛma nemɔ.’ Nana, ɛhe ati yeɛ wamma wɔ poentolɛ ye abo bie ɔ.”

1 Samuel 6:13

Sɔ mmerɛ ne, né Bete Semesefoɛ bɛ́te b’atokoɔ wɔ bɔnza ne anu. Bɛmane bɛ nye so ná benwuni alaka nen, ɔyɛle bɛ fɛ kyɛ banwu ye ɔ.

1 Samuel 6:18

Yeɛ sikaa kɔkorɛ mmurokuruwa nemɔ koso, bɛ somaa ne Filisti ahemvo nnu nemɔ bɛ nguro nemɔ somaa pɛ: nguro bɔ bato bɛ nwo fasue ɔne namue mɔ bɔ fasue nne bɛ nwo ɔ. Na nyɔbotaen bɔ bɛfale AWURADE alaka ne besiele so, bɔ ɔwɔ Bete Semeseniɛ Yosua boo nu ne, ɔte adanzeɛ maa waadwu ɛnɛ.