1 Samuel 6:12 - AHYERƐLƐ KRONGRON

¹² Nandwie nemɔ hɔle bɛ nyunu tee bɛfale atimbire komapɛ aso bɛfale bɛ nye behyirele Bete Semese. Na nandwie nemɔ bɛkɔ ne, né besu. Bammakye bamva bɛen anaa famaa; na Filisti ahemvo nemɔ lili bɛ si toonn beedwuli Bete Semese ɛwɛen so.

1 Samuel 6:12 Iomraidhean Croise

1 Ahemvo 4:9

Ben Dekɛre bɔ ɔnea Makase, Saalebim, Bete Semese ne Elon Bete Hanan so,

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Numeri 20:19

Yisraelfoɛ sele ye kyɛ, “Yɛkɔfa atimbire ne aso ala; na sɛ yɛ ne yɛ nyɛmmoa mɔ, yɛno ɛmɔ nzue po a, ye de yɛkotua ye kerɛ. Ɛhe de ɔnyɛ se; maa yɛbɔ ase yɛpɛ nu yɛhɔ.”

Yosua 15:10

ɛwɛen ne fi Baala a, ɔkondo fa eyia atɔleɛ kɔ Sɛre bokaa ne anwo, ɔpɛ nu kɔ Yearim bokaa ndoroleɛ nu wɔ ye sorɔ dɔ, (bɔ bɛfrɛ berɛ Kesalon ne), ɔtorotoro kɔ Bete Semese, na ɔpɛ nu kɔ Timina.

1 Samuel 6:11

Bɛfale AWURADE alaka ne besiele teaseɛnam ne aso. Na alaka baa bɔ sikaa kɔkorɛ mmurokuruwa ɔne Filistifoɛ mbɔmbɔ mɔ sɛso wɔ nu ne koso, bɛfa bɛbokale so.

1 Samuel 6:13

Sɔ mmerɛ ne, né Bete Semesefoɛ bɛ́te b’atokoɔ wɔ bɔnza ne anu. Bɛmane bɛ nye so ná benwuni alaka nen, ɔyɛle bɛ fɛ kyɛ banwu ye ɔ.

1 Samuel 6:9

Afei ɛ́mɔfa ɛmɔ nye beli ye si. Sɛ ɔfa atee ne aso ɔkɔ Bete Semese ɔkɔ ye bɔbɔ ye maen nu a, ye de AWURADE yeɛ wafa amaneɛ piri he wato yɛ so ɔ. Nakoso sɛ wangɔ dɔ a, ye de yɛkonwu ye kyɛ nna AWURADE yeɛ wafa amaneɛ piri he wato yɛ so ɔ, na mmom asane bie mbaen yeɛ wato yɛ ɔ.”