1 Samuel 5:9 - AHYERƐLƐ KRONGRON

⁹ Nakoso bɛfa bɛhɔle Gate nen, AWURADE tumi tuale kuro ne aso kerɛ piri paa. Ahunundetelɛ piri paa tɔle bɛ so. Ɔmane kuro berɛ mbanyi ne ngwalaa mukoraa nwuni amaneɛ, na mbɔmbɔ bobɔle bɛ.

1 Samuel 5:9 Iomraidhean Croise

Edwein 78:66

Ohuhuni ye pɔfoɛ mɔ pasapasa, na oguale bɛ nyunu ase afebɔɔ.

Amose 5:19

Wayɛ kyɛ sona bɔ wanwati gyata bɔ kwabrafo waayia ye ɔ; anaa wahɔ awuro waafa ye sa wafua fasue so, ná ewoo aha ye ɔ.

Deuteronomi 2:15

Nahorɛ nu, AWURADE tuli ye nye siele bɛ so, kyɛ ɔkɔma bɛ boso konua kofi asikyeleɛ ne anu, kɔpem kyɛ ohuhuni bɛ mukoraati ɔ.

1 Samuel 12:15

Nakoso sɛ ɛmɔandie AWURADE dwirɛ, ná sɛ ɛmɔtwi bɛfa AWURADE mmeraa dwirɛ so de a, ye de AWURADE tumi kotua ɛmɔ so kerɛ, kyɛbɔ otuale ɛmɔ nana mɔ so kerɛ ne.

1 Samuel 5:10

Yiti bɛmaa bɛfale Nyameɛ apam alaka ne bɛhɔle Ekron. Nakoso bɛfale Nyameɛ apam alaka ne bedwuli Ekron nen, Ekronfoɛ teateane nu kyɛ, “Bafa Yisrael Nyameɛ apam alaka ne bawa yɛ wa kyɛ bɛbaafa bekuku yɛ ne yɛ kuro ama.”

1 Samuel 5:11

Yeɛ bɛsomane maa bɛɛfrɛfrɛle Filisti ahemvo amukoraa maa beyiale, na besele bɛ kyɛ, “Ɛ́mɔye Yisrael Nyameɛ apam alaka ne béfi wa besa bɛɛfa besie ye boso, ná wangukũ yɛ ne yɛ kuro ama.” Ofikyɛ né ewue nwo ahunundetelɛ atɔ kuro ne aso amukoraa. Né Nyameɛ ama ɛhawo piri paa awa berɛ.

1 Samuel 5:6

AWURADE tumi tuale Asedɔdefoɛ so kerɛ piri paa: ɔfale amaneɛ piri paa tole Asedɔde ne ye mbɔtam so, ɔmane mbɔmbɔ bobɔle bɛ.

1 Samuel 6:11

Bɛfale AWURADE alaka ne besiele teaseɛnam ne aso. Na alaka baa bɔ sikaa kɔkorɛ mmurokuruwa ɔne Filistifoɛ mbɔmbɔ mɔ sɛso wɔ nu ne koso, bɛfa bɛbokale so.

1 Samuel 7:13

Yisrael brɛle Filistifoɛ ase, na Filistifoɛ ambe Yisrael aseɛ so ko. Na AWURADE tumi tuale Filistifoɛ so kerɛ piri paa wɔ mmerɛ amukoraa bɔ né Samuel te ase ɔ.