1 Samuel 5:7 - AHYERƐLƐ KRONGRON

⁷ Na Asedɔdefoɛ nwuni kyɛbɔ nningyein si sisi nen, bɛhane kyɛ, “Ɔnzɛ kyɛ yɛma Yisrael Nyameɛ apam alaka ne ɔka yɛ wa, ofikyɛ watua yɛ ne yɛ nyameɛ Dagɔn so kerɛ piri paa.”

1 Samuel 5:7 Iomraidhean Croise

2 Samuel 6:9

Dawide surole AWURADE sɔ kyẽa ne, na ɔhane kyɛ, “Ɔkɔyɛ sɛɛ né mahora mafa AWURADE alaka ne mahɔ m’awuro?”

1 Aberɛso Dwirɛ 15:13

Ɔnate kyɛ nna ɛmɔ yeɛ ɛmɔsoale ye mmerɛ bɔ oli moa ne ati, AWURADE yɛ Nyameɛ fɛle yɛ so yaa paa, ofikyɛ yannea alaka ne aso yé.”

Ɛksadɔso 10:7

Na Faro mbanyi mɔ sele ye kyɛ, “Kyinzu koraa yeɛ biaa he kosua yɛ ngaen maa ɔkɔɔpem ɔ? Ma mmienzua ne bɛhɔ bɛɛsɔne AWURADE bɛ Nyameɛ ne. Aso ennwu ye kyɛ Misraim abɔ ɔ?”

Ɛksadɔso 12:33

Misraimfoɛ hane Yisraelfoɛ bo kyɛ bɛha bɛ nwo befi aseɛ ne aso; ofikyɛ bɛhane kyɛ, “Yɛ mukoraa yawu yayie.”

Ɛksadɔso 8:28

Na Faro sele kyɛ, “Ngɔmaa ɛmɔkɔɔbɔ afɔleɛ bɛkɔma AWURADE ɛmɔ Nyameɛ ne wɔ ɛserɛ so, nakoso nnɛma ɛmɔkɔ dedeede. Ɛ́mɔli me ti dwirɛ bɛma me.”

Ɛksadɔso 8:8

Afei Faro frɛle Mose ne Aarɔn sele bɛ kyɛ, “Ɛ́mɔserɛ AWURADE bɛma ɔye mborohyɛen nemɔ ofi me ne me mmenia so, na ngɔma Yisraelfoɛ kɔhɔ ná baabɔ afɔleɛ bama AWURADE.”

Ɛksadɔso 9:28

Yiti ɛ́mɔsrɛ AWURADE bɛma ɔyakyi, ofikyɛ agralaa ne asukɔtwea nyɔboɛ sɔa de, ɔbo yɛ so. Ngɔma ɛmɔ kɔhɔ, na ɛmɔngɔtena wa ko.”

Yeremia 46:25

Asafo AWURADE, Yisrael Nyameɛ nwa nyoo, “Ɛ́mɔtie, ngɔhwe Amon bɔ ɔwɔ Tebese, Faro, yeɛ Misraim ne ye nyameɛ mɔ ne ye ahemvo mɔ bɛ so, yeɛ Faro ne mmenia bɔ bɛfa bɛ wora bewura ye nu ɔ.

Yeremia 48:7

Ofikyɛ, ɔnate kyɛ afa wɔ nwo ato wɔ nnwumaa ne wɔ anwonyadeɛ so ne ati, wɔ koso bɛkɔhye wɔ bɛkɔhɔ; na bɛkɔhye Kemose nnure bɛkɔhɔ, ɔne ye asɔfo mɔ ne ye atitire mɔ bɔ bɛboka ye so ɔ.

1 Samuel 4:8

“Yawu oo, yawu oo! Nwa yeɛ ɔkɔpepɛ kole yɛ kofi nyameɛ tumifoɛ hemɔ bɛ sa nu ɔ? Nyameɛ hemɔ yeɛ bɛpraprale amaneɛ ahoroɔ beguale Misraimfoɛ so wɔ ɛserɛ so ne.

1 Samuel 5:6

AWURADE tumi tuale Asedɔdefoɛ so kerɛ piri paa: ɔfale amaneɛ piri paa tole Asedɔde ne ye mbɔtam so, ɔmane mbɔmbɔ bobɔle bɛ.

1 Samuel 5:8

Yiti bɛsomane maa bɛɛfrɛfrɛle Filisti ahemvo amukoraa maa beyiale, na bebisale bɛ kyɛ, “Yisrael Nyameɛ apam alaka ne, yɛ́yɛ ye sɛ koraa?” Na bebuale kyɛ, “Ɔsɛ kyɛ yɛye Yisrael Nyameɛ apam alaka ne yɛfi wa yɛkɔ Gate.” Yiti bɛyele Yisrael Nyameɛ apam alaka ne befili berɛ bɛhɔle Gate.

1 Samuel 6:20

Afei Bete Semesefoɛ hane kyɛ, “AWURADE, Krongronniɛ Nyameɛ he, nwa yeɛ ɔkɔhora kogyina ye nyunu ɔ? Nwa berɛ koraa yeɛ yɛye AWURADE alaka ne yɛfi yɛ wa yɛkɔ ɔ?”