1 Samuel 5:6 - AHYERƐLƐ KRONGRON

⁶ AWURADE tumi tuale Asedɔdefoɛ so kerɛ piri paa: ɔfale amaneɛ piri paa tole Asedɔde ne ye mbɔtam so, ɔmane mbɔmbɔ bobɔle bɛ.

1 Samuel 5:6 Iomraidhean Croise

Gyenesise 41:31

Na ɔnate ɛhɔen piri bɔ ɔkɔwa ne ati, bɛngɔkaye aleɛ bɔ né wabu so wɔ maen ne anu po; ɛhɔen piri ne anu kɔyɛ se paa.

YOB NWOMAA NE 31:3

Mmenia bɔ bɛndengyɛ ne, aso nna bɛ yeɛ edwirɛ to bɛ ɔ, aso nna amumuyɛɛfoɛ yeɛ asane to bɛ ɔ?

Edwein 145:20

AWURADE bɔ bɛ bɔ bekuro ye dwirɛ ɔ amukoraa nwo waen, nakoso bɔnefoɛ de, okohũhũ bɛ.

Edwein 147:6

AWURADE ma anwobrɛaseɛfoɛ so, nakoso bɔnefoɛ de, ofindi ye to ase.

Edwein 32:4

Ofikyɛ wɔ sa gyi me nwo eyia ne kɔngɔen; m’anwoserɛ amukoraa yiele kyɛbɔ asue wewe wɔ wawa mmerɛ ɔ. Sela

Edwein 78:66

Ohuhuni ye pɔfoɛ mɔ pasapasa, na oguale bɛ nyunu ase afebɔɔ.

Ɛksadɔso 9:3

AWURADE tumi kɔma ngaka wue bɔ ye noa yɛ hye kɔha wɔ ngaka bɔ bahɔ adidie ɔ, wɔ mbɔngɔ mɔ, afunum mɔ, afupɔngɔ mɔ ne wɔ nyɛmmoa mɔ.

Asomafoɛ 13:11

Tie, Awurade kotua wɔ kerɛ kekesaala ye; wɔ nye kosi, na engonwu eyia ko, sana mmerɛ kãa pɛ nu.” Na berɛ ne ala awosii ne ɛborɔ katale Elima nye so maa ofuafuale penane sona bɔ ɔkɔsɔ ye sa kohyire ye atee ɔ.

Deuteronomi 28:27

AWURADE kɔte anwonyerɛ koangɔ hemɔ kogua wɔ so: Misraim mbɔmbɔ, ngena, nyaen ne asee.

1 Samuel 5:11

Yeɛ bɛsomane maa bɛɛfrɛfrɛle Filisti ahemvo amukoraa maa beyiale, na besele bɛ kyɛ, “Ɛ́mɔye Yisrael Nyameɛ apam alaka ne béfi wa besa bɛɛfa besie ye boso, ná wangukũ yɛ ne yɛ kuro ama.” Ofikyɛ né ewue nwo ahunundetelɛ atɔ kuro ne aso amukoraa. Né Nyameɛ ama ɛhawo piri paa awa berɛ.

1 Samuel 5:7

Na Asedɔdefoɛ nwuni kyɛbɔ nningyein si sisi nen, bɛhane kyɛ, “Ɔnzɛ kyɛ yɛma Yisrael Nyameɛ apam alaka ne ɔka yɛ wa, ofikyɛ watua yɛ ne yɛ nyameɛ Dagɔn so kerɛ piri paa.”

1 Samuel 5:9

Nakoso bɛfa bɛhɔle Gate nen, AWURADE tumi tuale kuro ne aso kerɛ piri paa. Ahunundetelɛ piri paa tɔle bɛ so. Ɔmane kuro berɛ mbanyi ne ngwalaa mukoraa nwuni amaneɛ, na mbɔmbɔ bobɔle bɛ.