1 Samuel 5:4 - AHYERƐLƐ KRONGRON

⁴ Nakoso ye alehyeleɛ nu bieku, ngyerɛmɔ tutututu bɔ bedwɔsole ne, né Dagɔn amunu afi, bɔ ye nyunu butu ase wɔ AWURADE alaka ne nyunu ɔ. Né ebie abu Dagɔn ti ne ye sa nyɔ nemɔ wafi so bɔ bɛlela simbini ne aso ɔ. Né waha ye kundunzii ne angome.

1 Samuel 5:4 Iomraidhean Croise

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yesaya 40:20

Ehianiɛ de, ɔfa bakaa serɛserɛ bɔ ɔmborɔ ɔ yeɛ ogyina amoen ne ɔ; na ɔpena sona bɔ ɔse adwii di paa ɔ maa ogyina amoen bɔ ɔngekã ye nwo ɔ.

Yeremia 10:11

Yiti ɛmɔhã behyire bɛ kyɛ, nyameɛ mɔ bɔ nna bɛ yeɛ bɛbɔle anwuro ne aseɛ ne, bɛ boso kotu komini kofi aseɛ ye aso ne ewienu abo.

Yeremia 10:14

Ebiala te kwaseaa, na olle nimdeɛ; esikaa kɔkorɛ dwumvoɛ biala ye mmosoen mɔ gua ye nyunu ase, ofikyɛ ye mmosoen mɔ te nnakannaka, na nwomeɛ biala nne bɛ nu.

Yeremia 10:15

Mvasoɛ nne bɛ so, bɛte nnakannaka adwuma; na b’asohwenɛ mmerɛ ne dwu a, bɛkɔsɛkye bɛ.

Yeremia 50:2

“Ɛ́mɔbɔ ye dawure wɔ maen maen mɔ so, ɛ́mɔfa bɛto dwaa, ɛ́mɔfa frangaa bɛpena berɛ, ɛ́mɔfa bɛto dwaa; nnɛma ɛmɔkata so, na mmom ɛmɔhã kyɛ, ‘Bali Babilɔn so ngonim, Bel nyunu agua ase, babubu Merodake nu pasapasa, ye mmosoen mɔ nyunu agua ase, babubu ye amoen mɔ nu pasapasa.’

Daniel 11:8

Okosa kɔsesa bɛ mmosoen, b’amoen mɔ bɔ bahuro nikyee bafa bayɔ ɔ, b’ɛdwetɛ ne sikaa kɔkorɛ mbembenanneɛ kɔhɔ Misraim. Na afei afoɛ pee kɔpɛ nu bɔ ɔngɔfa koɛ ngɔtoa sorɔ dɔ hene ne ɔ.

Mika 1:7

Bɛkɔnyoko ye amoen nemɔ amukoraa pasapasa, ná bafa see bayera ye adwuma akatuaa amukoraa. Ngɔsɛkyesɛkye ye mmosoen amukoraa bɔkɔɔ, ofikyɛ gyanderafoɛ akatuaa yeɛ ɔfa onyane bɛ ɔ, na bekosa bɛkɔfa bɛkɔyɛ gyanderafoɛ akatuaa.

1 Samuel 6:5

Yiti mbɔmbɔ ne mmurokuruwa mɔ bɔ bɛ́sɛkye ɛmɔ maen nen, ɔsɛ kyɛ ɛmɔyɛ bɛ sɛso, ná ɛmɔfa animnyam bɛma Yisrael Nyameɛ ne. Ebiaa amaneɛ piri paa bɔ wafa wato ɛmɔ ne ɛmɔ nyameɛ mɔ ɔne ɛmɔ aseɛ so ne, ɔkɔyakyi.