1 Samuel 5:3 - AHYERƐLƐ KRONGRON

³ Na ye alehyeleɛ nu ngyerɛmɔ tutututu bɔ Asedɔdefoɛ dwɔsole ne, benwuni kyɛ Dagɔn amunu afi, bɔ ye nyunu butu ase wɔ AWURADE alaka ne nyunu ɔ. Yiti bɛmane Dagɔn so besa besiele ye boso.

1 Samuel 5:3 Iomraidhean Croise

1 Ahemvo 18:26

Yiti bɛyele nandwie nyii ne ko, behuni ye bɛpepɛle nu ahuronzi ahuronzi, na besu bɛfrɛle Baal fi ngyerɛmɔ maa oodwuli eyiagyina. Bɛteateane nu kyɛ, “O Baal, tie yɛ e!” Nakoso ebiala andɛ bɛ so, bannya mmuayɛɛ biala. Na afɔleɛ bokyea bɔ basi ne, behuruhuru bego bɛfale ye nwo.

Edwein 115:7

Bele asaa, nakoso bɛngora bɛnzɔ nikyee nu; bele agyirɛ, nakoso bɛngora nate, yeɛ bɛngora bɛmva bɛ komvi bendwudwo.

Edwein 97:7

Mmenia bɔ bɛsɔne mmosoen, bɔ bɛfa amoen mɔ bɛhoahoa bɛ nwo ne, bɛ mukoraa bɛ nyunu agua ase; nyameɛ mɔ amukoraa, odi kyɛ ɛmɔkoto ye.

Ɛksadɔso 12:12

Ngɔɔpɛ nu Misraim aseɛ so sɔ kyẽa ne kɔngɔen, na ngohũ Misraim aseɛ so bamuɛbaa mukoraa, fite mmenia so kodwu ngaka so; na ngobua Misraim mmosoen amukoraa ndɛen. Me ole AWURADE.

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Yesaya 40:20

Ehianiɛ de, ɔfa bakaa serɛserɛ bɔ ɔmborɔ ɔ yeɛ ogyina amoen ne ɔ; na ɔpena sona bɔ ɔse adwii di paa ɔ maa ogyina amoen bɔ ɔngekã ye nwo ɔ.

Yesaya 41:7

Dwumvoɛ hyɛ sikaa kɔkorɛ dwumvoɛ nguraen, yeɛ bɔ ɔfa bɔsobaka tengyɛtengyɛ buralɛ ne koso, ɔhyɛ sona bɔ ɔbobɔ buralɛ so ne nguraen, na ɔkã kyɛ, “Mmuralɛ sosɔlɛ ne, ye mmerɛ ne adwu”, na bɛfa mberɛgoo bemiamia nu bɔ ondutu ɔ.

Yesaya 46:7

Bɛfa ye besie bɛ kɔme anwo, bɛsoa ye, besikye ye besie ye boso, berɛ ala yeɛ ogyi ɔ; na ɔngora ndu ye bo mvi nekaa bɔ ogyi ne. Sɛ sona sũ frɛ ye a, ɔngora ndɛ ye so, yeɛ ɔngora mbepɛ nnne ye mvi ye amaneɛ nu.

Yeremia 10:8

Bɛ mukoraa bagyimi, yeɛ bɛte ngwaseafoɛ; mmosoen mɔ ngyerɛkyerɛ te mbaen.

Sefania 2:11

AWURADE nye kɔboro bɛ so, ofikyɛ okonua aseɛ so mmosoen amukoraa bɛ boso, na asue noa maen maen ne amukoraa, sona biala kɔsɔne ye wɔ ye bɔbɔ ye aseɛ so.

Marko 3:11

Na sɛ né sunzummɔne mɔ benwu ye a, befifi ase wɔ ye nyunu, na bɛteatea nu kyɛ, “Wɔ ole Nyameɛ Awa ne.”

1 Samuel 6:1

AWURADE alaka ne lili bosome nzoo wɔ Filistifoɛ aseɛ so.

1 Samuel 6:5

Yiti mbɔmbɔ ne mmurokuruwa mɔ bɔ bɛ́sɛkye ɛmɔ maen nen, ɔsɛ kyɛ ɛmɔyɛ bɛ sɛso, ná ɛmɔfa animnyam bɛma Yisrael Nyameɛ ne. Ebiaa amaneɛ piri paa bɔ wafa wato ɛmɔ ne ɛmɔ nyameɛ mɔ ɔne ɛmɔ aseɛ so ne, ɔkɔyakyi.