1 Samuel 5:2 - AHYERƐLƐ KRONGRON

² Afei Filistifoɛ fale Nyameɛ apam alaka ne bɛhɔle bosoen Dagɔn sua nu, na bɛfa besiele Dagɔn nwo berɛ.

1 Samuel 5:2 Iomraidhean Croise

1 Aberɛso Dwirɛ 10:10

Bɛfale ye akodeɛ ne beeguale mmosoen nemɔ asɔneyɛɛ sua nu, na bɛfale ye ti ne besinzele bosoen Dagɔn asɔneyɛɛ sua nu.

1 Aberɛso Dwirɛ 10:8

Aleɛ hyene ne, Filistifoɛ hɔle kyɛ bɛkwaayeye Yisraelfoɛ bɔ bawuwu nemɔ bɛ nwo nningyein, na benwuni kyɛ Sɔɔlo ne ye mma nemɔ batotɔ wɔ Gilboa bokaa ne aso.

Daniel 5:2

Na mmerɛ bɔ nzaa ne fale Bɛlsasa nye so ne, ɔhyɛle kyɛ bɛɛfa sikaa kɔkorɛ ne ɛdwetɛ kulie mɔ bɔ ye baba Nebukadenesa ɔɔsesa fili Yerusalem asɔneyɛɛ sua nu wale ne bɛbra, ma ye ɛhene, ɔne ye mbanyi mɔ, ɔye mɔ ne ye sómaa mɔ bɛno nu.

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Habakuku 1:11

Na afei, bɛsɛkye nningyein bɛpɛ nu bɛkɔ kyɛ mvrama piri, awudifoɛ bɔ bɛ bɔbɔ b’anwoserɛ yeɛ ɔte bɛ nyameɛ ɔ!

Habakuku 1:16

Yiti bɛbɔ afɔleɛ bɛma b’asawu ne, bɛyera ɛyɛɛ bɛma bɛ tɛen ne; ofikyɛ ɔnate bɛ so yeɛ bɛtena ase wɔ anwotɔ nu ɔ.

Maenbulɛfoɛ 16:23

Afei Filistifoɛ mbanyi bɔle dwaa kyɛ bɛbɔ afɔleɛ kandinga bɛma bɛ nyameɛ Dagɔn, ná bɛgye bɛ nye; ofikyɛ bɛhane kyɛ, “Yɛ nyameɛ yeɛ wafa yɛ pɔfoɛ Samson wawura yɛ sa ɔ.”