1 Samuel 5:10 - AHYERƐLƐ KRONGRON

¹⁰ Yiti bɛmaa bɛfale Nyameɛ apam alaka ne bɛhɔle Ekron. Nakoso bɛfale Nyameɛ apam alaka ne bedwuli Ekron nen, Ekronfoɛ teateane nu kyɛ, “Bafa Yisrael Nyameɛ apam alaka ne bawa yɛ wa kyɛ bɛbaafa bekuku yɛ ne yɛ kuro ama.”

1 Samuel 5:10 Iomraidhean Croise

2 Samuel 7:9

Magyina wɔ si wɔ nekaa biala bɔ ɛhɔle ɔ, maprapra wɔ pɔfoɛ amukoraa mafi w’atee nu, na mapagya wɔ dumaa maa wayɛ kyɛ aseɛ ye aso atitirefoɛ bɛ dumaa.

2 Ahemvo 1:2

Ahasia ahemvie bɔ ɔwɔ Samaria ne, né Ahasia wafi ye aborɔsaen ne mboma nu wate watɔ. Opurale, yiti otuli ɛbɔfoɛ mɔ kyɛ, “Ɛmɔhɔ Ekron bosoen Baal Sebubo so na ɛmɔɔbisa sɛ me puralɛ bɔ mapura ye ngɔte apɔ a?”

1 Aberɛso Dwirɛ 7:21

Sabade, bɔ ɔwole Sutela ne. Efraim mma mmienzua bieku mɔ ole Esere ne Eleade. Na Gatefoɛ bɔ bɛwole bɛ wɔ aseɛ ne aso ne, behuni bɛ munyɔ, ofikyɛ bɛhɔle Gatefoɛ nemɔ dɔ bɛɛbɔle bɛ nyɛmmoa mɔ so apaa.

Amose 1:8

Ngɔpɛ Asedɔdefoɛ asue ngofi berɛ, na bɔ otira hɔtɔ ne, ngɔpɛ ye asue ngofi Asekelɔn. Ngɔhwe Ekron so, na Filistifoɛ ngaa nemɔ kowuwu,” AWURADE Nyameɛ noa dwirɛ ɛne.

Amose 6:2

Ɛ́mɔpɛ nu bɛhɔ Kalene bɛɛnea, na ɛmɔfi berɛ a, ɛmɔhɔ kuro piri Hamate; afei ɛ́mɔtoro bɛhɔ Filistifoɛ kuro Gate. Aso bɛte paa bɛtra sɔ ahennie hemɔ? Anaa b’aseɛ te piri tra ɛmɔ aseɛ anaa?

Yosua 13:3

fite asue Sihɔ bɔ ɔwɔ Misraim eyia afiteleɛ bɔ ɔkwaadwu Ekron ɛwɛen so wɔ ye sorɔ dɔ ne. Ye mukoraa te Kanaan aseɛ. Filistifoɛ ahemvo nnu yeɛ bɛwɔ berɛ ɔ. Bɛwɔ Gasa, Asedɔde, Asekelɔn, Gate ne Ekron, yeɛ Awimfoɛ koso bɔ bɛwɔ ngwaen dɔ ne.

Yosua 15:11

Ɛwɛen ne kɔ Ekron sorɔ dɔ bokaa ne ndoroleɛ nu. Afei ɔkondo kɔ Sikeron, ɔpɛ nu kɔ Baala bokaa ne aso kodwu Yabeneel, na afei ye noa kɔpem ɛpo ne.

Yosua 15:45

Ekron ne ye nwo nguro ne namue mɔ;

Maenbulɛfoɛ 1:18

Yuda ho fale Gasa ne ye nwo aseɛ, Asekelɔn ne ye nwo aseɛ, yeɛ Ekron ne ye nwo aseɛ.

1 Samuel 17:52

Yeɛ Yisrael koɛhonɛfoɛ ne Yuda koɛhonɛfoɛ hyɛle ye bo bɛbɔle ese, na bɛfoane Filistifoɛ toonn bedwuli Gate ne Ekron pambim nemɔ. Filistifoɛ bɔ bepurapurale ne, bɛtotɔle atee so fili Saaraim toonn beedwuli Gate ne Ekron.

1 Samuel 5:11

Yeɛ bɛsomane maa bɛɛfrɛfrɛle Filisti ahemvo amukoraa maa beyiale, na besele bɛ kyɛ, “Ɛ́mɔye Yisrael Nyameɛ apam alaka ne béfi wa besa bɛɛfa besie ye boso, ná wangukũ yɛ ne yɛ kuro ama.” Ofikyɛ né ewue nwo ahunundetelɛ atɔ kuro ne aso amukoraa. Né Nyameɛ ama ɛhawo piri paa awa berɛ.

1 Samuel 5:9

Nakoso bɛfa bɛhɔle Gate nen, AWURADE tumi tuale kuro ne aso kerɛ piri paa. Ahunundetelɛ piri paa tɔle bɛ so. Ɔmane kuro berɛ mbanyi ne ngwalaa mukoraa nwuni amaneɛ, na mbɔmbɔ bobɔle bɛ.

1 Samuel 6:1

AWURADE alaka ne lili bosome nzoo wɔ Filistifoɛ aseɛ so.