1 Samuel 4:4 - AHYERƐLƐ KRONGRON

⁴ Yiti maen ne tuli mmenia maa bɛhɔle Silo, na Asafo AWURADE bɔ ɔte kɛrubim nemɔ b’afia ne, bɛɛfale ye apam alaka ne befili dɔ bɛwale. Hofini ne Finehase bɔ bɛte Eli mma nyɔ ne, né bɛwɔ Nyameɛ apam alaka ne anwo.

1 Samuel 4:4 Iomraidhean Croise

2 Samuel 15:24

Né Abiata, Sadoke, ɔne Lewifoɛ amukoraa bɔ bɛso Nyameɛ apam alaka ne, bɛ koso bɛboka bɛ so. Na besikyele alaka ne besiele berɛ toonn maa oodwuli kyɛ mmenia ne amu befili kuro ne anu bɛse bɛhɔle ɔ.

2 Samuel 6:2

Dawide ne koɛhonɛfoɛ bɔ bɛboka ye so ne amukoraa besili nu befili Baale Yuda, kyɛ bɛkwaafa Nyameɛ apam alaka ne bɛba. Alaka ne, Asafo AWURADE bɔ ye ahennie bia wɔ kɛrubim nemɔ afia ne, ye dumaa la so.

2 Ahemvo 19:15

Na Hesekia bɔle mbaeɛ wɔ AWURADE nyunu kyɛ, “Ao AWURADE Yisrael Nyameɛ bɔ ɛte w’ahennie bia so wɔ kɛrubim mɔ b’afia ɔ, wɔ wiase ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

Edwein 80:1

Ao Yisrael Neafoɛ, yɛ asoɛ tie, wɔ bɔ eli Yosef nyunu kyɛ mmoaen kure ɔ! Wɔ bɔ ɛte kɛrubim mɔ so ɔ, ta hyireinn

Edwein 80:2

wɔ Efraim, Benyamin ne Manase so. Kyire wɔ tumi, ná bra baapepɛ de yɛ!

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Yesaya 37:16

“Ao Asafo AWURADE, Yisrael Nyameɛ bɔ ɛte kɛrubim mɔ b’afia ɔ, aseɛ so ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

Malaki 1:9

Nzaade, mesrɛ ɛmɔ, ɛ́mɔsrɛ Nyameɛ ma ɔlo yɛ e! Na sɛ akyɛdeɛ bɔ otira ɛmɔ sa nu hɔ ɛne a, ye de ɔkɔyɛ sɛɛ né walo ɛmɔ? Asafo AWURADE noa dwirɛ ɛne.

Numeri 4:15

Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Numeri 4:5

Sɛ mmerɛ dwu kyɛ ɛmɔtutu asikyeleɛ ne bɛkɔ a, odi kyɛ Aarɔn ne ye mma bɛkɔ ɛtena sua ne anu bɛkɔye mbɛmuɛ tena ne bɛfa bɛkyekye Adanzeɛ alaka ne anwo.

Numeri 7:89

Sɛ né Mose kɔ ɛtena sua ne anu kyɛ ɔne AWURADE bɛkwaadwudwo a, né ɔte komviɛ ne kyɛ odwudwo kyire ye fi Adanzeɛ alaka ne aso mbata bia bɔ ɔwɔ kɛrubim nyɔ ne b’afia ne, ye anwuro ɔ; né komviɛ ne ɔne Mose bedwudwo.

1 Samuel 1:24

Ɔpɛle akwadaa ne nyɔfone nen, ɔne ye bɛhɔle AWURADE awuro wɔ Silo, ɔwɔ nu kyɛ né akwadaa ne onnyini. Ɔfale ɛhemɔ koso bokale so: nandwie nyii bɔ wali afoɛ nza ɔ, esam graa ko, yeɛ bobe nzaa kɔndoa ko.

1 Samuel 14:3

Né Ahiya boka bɛ so wɔ berɛ. Ye yeɛ né owura ɔsɔfo ataadeɛ ne ɔ. Ɔse ole Yikabode aliɛma Ahitubo, bɔ ɔse ole Finehase, bɔ ye koso ɔse ole AWURADE sɔfo Eli bɔ né ɔwɔ Silo ne. Né koɛhonɛfoɛ nemɔ nze kyɛ Yonatan afi berɛ ahɔ ɔ.

1 Samuel 2:22

Afei né Eli ayɛ panyi paa. Na ɔtele nikyee biala bɔ ye mma nemɔ bɛfa bɛyɔ Yisrael amukoraa ne. Osa tele kyɛ bɛ ne mmrasua bɔ bɛso wɔ ɛtena sua atenaleɛ nu anoa nu berɛ ne bɛda.