1 Samuel 4:17 - AHYERƐLƐ KRONGRON

¹⁷ Na bɔfoɛ ne buale kyɛ, “Yisrael anwati afi Filistifoɛ nyunu, ɛlɔen ne koso bɛ nu pee atotɔ, Hofini ne Finehase bɔ bɛte wɔ mma nyɔ ne koso bawu, yeɛ Nyameɛ apam alaka ne koso bale bafi Yisrael sa nu bahɔ.”

1 Samuel 4:17 Iomraidhean Croise

Edwein 78:61

Ɔmaa bɛhyele ye anwoserɛ ne nnure, yeɛ ɔfale ye animnyam wurale ye pɔfoɛ sa.

Edwein 78:64

B’asɔfo mɔ totɔle ngrandɛ noa, bɔ bɛ kunafoɛ mɔ bangora banzu bɛ ɔ.

1 Samuel 2:34

Na bɔ ɔkɔto wɔ mma nyɔ Hofini ne Finehase ne de, ɔkɔyɛ sɛngyerɛnneɛ kɔma wɔ: bɛ munyɔ bekowu ɛlɛho.

1 Samuel 3:11

Na AWURADE sele Samuel kyɛ, “Tie, mebaayɔ nikyee bie wɔ Yisrael, na ebiala bɔ ɔkɔte sɔ dwirɛ nen, ye kunu kɔte ye.

1 Samuel 3:12

Sɔ kyẽa ne, edwirɛ biala bɔ mahã kyɛ ɔkɔto Eli abusua nen, ngɔmaa okosi fite ye bo koodwu ye ayieleɛ.

1 Samuel 4:16

Biaa ne sele Eli kyɛ, “Me yeɛ mafi koɛ noa mawa ne. Ɛnɛ ala yeɛ nwati mvili koɛ ne anu mmale ɔ.” Na Eli bisale ye kyɛ, “Mma, koɛ ne oosili sɛɛ?”

1 Samuel 4:18

Na ɔbɔle Nyameɛ apam alaka ne dumaa pɛ, Eli fili ye bia ne anu muni fale ye si ɔɔtɔle pambim ne anwo, ye kɔme anu buli, na owuli, ofikyɛ né wayɛ aworowaa, yeɛ afei né wayɛ piri paa. Né wabu Yisrael maen ne afoɛ aburanna.