1 Samuel 4:13 - AHYERƐLƐ KRONGRON

¹³ Mmerɛ bɔ oodwuli ne, né Eli te ye bia nu wɔ atee noa ɔnea ate, ofikyɛ né ye kunu tete ye ma Nyameɛ apam alaka ne. Biaa ne wale kuro ne anu ɔɔbɔle amaneɛ, na kurotue ne amu sɔle awuyebɔlɛ nu.

1 Samuel 4:13 Iomraidhean Croise

Edwein 26:8

Ao AWURADE, awuro bɔ ɛte nu ne, ɔla m’ahone nwo, nekaa bɔ w’animnyam te ne.

Yeremia 48:19

Wɔ bɔ ɛte Aroye ɔ, gyina atee ne anoa ná tetɛ; bisa bienzua bɔ ɔnwati ne brasua bɔ ɔnwati pena ye ti didi nu ne kyɛ, ‘Nzikyɛ dwirɛ yeɛ wasi ɔ?’

Yosua 7:9

Kanaanfoɛ ne aseɛ ye asofoɛ mukoraati bɛkɔte sɔ dwirɛ ye, bɛkɔpɛ yɛ nwo bekoyia, na bɛkɔma yɛ boso konua. Nzikyɛ yeɛ ɛkɔyɔ kɔfa wɔ dumaa bɔ odi mu ne anwo ɔ?

1 Samuel 1:9

Bedidili bɛnone beyiele wɔ Silo nen, Hana dwɔsole [ɔɔfale ye mbaeɛ tole AWURADE nyunu]. Né ɔsɔfo Eli te bia so wɔ AWURADE asɔneyɛɛ sua anoa nu berɛ.

1 Samuel 4:14

Na Eli tele awuyebɔlɛ nen, obisale kyɛ, “Awuyebɔlɛ ye, ye bo ole sɛɛ?” Na biaa ne wale Eli nwo berɛ ndɛndɛ ɔɔbɔle ye amaneɛ.

1 Samuel 4:18

Na ɔbɔle Nyameɛ apam alaka ne dumaa pɛ, Eli fili ye bia ne anu muni fale ye si ɔɔtɔle pambim ne anwo, ye kɔme anu buli, na owuli, ofikyɛ né wayɛ aworowaa, yeɛ afei né wayɛ piri paa. Né wabu Yisrael maen ne afoɛ aburanna.