1 Samuel 4:10 - AHYERƐLƐ KRONGRON

¹⁰ Yiti Filistifoɛ hone koɛ ne. Yisrael lili ngoguo, na koɛhonɛniɛ biala nwati hɔle ye tena sua nu. Mmenia pee totɔle, ofikyɛ Yisrael koɛhonɛniɛ apee aburasa bɔ bɛnate ase yeɛ bɛtotɔle ɔ.

1 Samuel 4:10 Iomraidhean Croise

2 Samuel 18:17

Bɛyele Absalom, befindini ye bɛtole ɛhɔayeɛ ne anu kumaa piri bie anu, na bɛboaboale nyɔboɛ kure kandinga paa beguale ye so. Na Yisrael koɛhonɛfoɛ amukoraa bɛnwati bɛhɔle b’awuro.

2 Samuel 18:7

Dawide koɛhonɛfoɛ nemɔ lili Yisrael koɛhonɛfoɛ so ngonim. Mmenia pee totɔle sɔ kyẽa ne. Bɛte apee aburanyɔ.

2 Samuel 19:8

Yiti Nana Dawide dwɔsole ɔɔtenane ase wɔ kuro berɛ pambim ne anwo. Yeɛ bɛɛbɔle mmenia ne amukoraa amaneɛ kyɛ, “Ɛ́mɔtie, Nana aatena kuro wa pambim ne anwo.” Na mmenia ne amukoraa bɛhɔle Nana Dawide berɛ. Sɔ mmerɛ ne, né Yisraelfoɛ amukoraa banwati bahɔ b’awuro.

2 Samuel 20:1

Biaa bie bɔ bɛfrɛ ye Hyeba, bɔ onni dwirɛ ngɔ kuro so ɔ, né ɔwɔ (Gilgal) berɛ bie. Ɔse ole Benyaminniɛ Bikri. Ohuli totorobɛndo teane nu sele kyɛ, “Yɛ ne Dawide yɛlle hwee yɛnyɔ oo! Yese awa ne, yɛlle agyapadeɛ biala wɔ ye nu oo! Yisraelfoɛ ee, ebiala hɔ ye awuro!”

1 Ahemvo 12:16

Yisrael amukoraa nwuni kyɛ Nana Rehoboam wanne bɛ dwirɛ ne wando nu, na besele ye kyɛ, “Kyɛfa beni yeɛ yɛle ye wɔ Dawide nu ɔ? Yɛlle agyapadeɛ biala wɔ Yese awa ne anu. Yisrael ee, ebiala ɔhɔ ye awuro oo! Dawide bosoniɛ, koli wɔ mmenia so hene.” Yiti Yisraelfoɛ besili nu bɛhɔle b’awuro.

1 Ahemvo 22:36

Eyia tɔle ne, ebie teane nu wɔ Yisrael koɛhonɛfoɛ nemɔ anu kyɛ, “Ebiala osa ɔhɔ ye kuro, ebiala osa ɔhɔ ye maen nu!”

2 Ahemvo 14:12

Yisrael lili Yuda so ngonim, na Yuda koɛhonɛfoɛ nemɔ amukoraa bɛnwati bɛhɔle b’awuro.

2 Aberɛso Dwirɛ 13:17

Abiya ne ye koɛhonɛfoɛ nemɔ behuhuni bɛ pasaa, na Yisraelfoɛ bɔ bɛse koɛ ko paa ne, bɛ nu apee ɛyaa nnu totɔle.

2 Aberɛso Dwirɛ 25:22

Yisrael lili Yuda so ngonim, na Yudafoɛ amukoraa bɛnwati bɛhɔle b’awuro.

Edwein 78:9

Efraimfoɛ koɛhonɛfoɛ bɔ betiratira agyaen ɔ, bɛnwati befili koɛ noa koɛhonɛ kyẽa ne.

Yeremia 7:12

Afei, ɛmɔhɔ m’atenaleɛ bɔ né ɔwɔ Silo, nekaa bɔ nnili moa mvale me dumaa ndole so ne, ná ɛmɔɔnea nikyee bɔ ɔnate me maen Yisrael ye bɔne ti mva nyɔle ye ɔ.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Deuteronomi 28:15

“Nakoso sɛ andie AWURADE wɔ Nyameɛ dwirɛ, ná anni ye mmeraa dwirɛ ne ye ahyɛdeɛ bɔ mehyɛ mema wɔ ɛnɛ ye aso nahorɛ nu a, ye de sɔ musue ye amukoraa kɔto wɔ, na okobu kɔfa wɔ so:

Deuteronomi 28:25

“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.

1 Samuel 3:11

Na AWURADE sele Samuel kyɛ, “Tie, mebaayɔ nikyee bie wɔ Yisrael, na ebiala bɔ ɔkɔte sɔ dwirɛ nen, ye kunu kɔte ye.

1 Samuel 4:2

Filistifoɛ beegyinagyinane koɛ noa, na bɛwale Yisrael so. Koɛ ne anu yɛle se, na Filistifoɛ lili Yisrael so ngonim. Behuhuni Yisraelfoɛ mmienzua kɔyɛ apee nna wɔ koɛ ne anu.