1 Samuel 31:4 - AHYERƐLƐ KRONGRON

⁴ Na Sɔɔlo sele ye somvoɛ bɔ otira ye akodeɛ ne kyɛ, “Twe wɔ ngrandɛ ne fa wɔ me. Anyɔ a, mmenia hemɔ bɔ bɛmbɛ bɛ bienzua ye, bɛkɔɔfa bie bɛkɔwɔ me ná bagoro me nwo.” Nakoso ye somvoɛ bɔ otira ye akodeɛ ne ambene so kyɛ ɔkɔyɔ sɔ ɔ, ofikyɛ ɛserɛ piri hane ye. Yiti Sɔɔlo fale ye bɔbɔ ye ngrandɛ ne, na ɔtole ye nwo yele so huni ye nwo.

1 Samuel 31:4 Iomraidhean Croise

2 Samuel 1:1

Sɔɔlo wue asi ne, mmerɛ bɔ né Dawide waali Amalɛkefoɛ so ngonim wawa ne, Dawide lili elenyɔ wɔ Siklage.

2 Samuel 1:14

Na Dawide bisale ye kyɛ, “Sona bɔ AWURADE apopa ye ngoo ne, yiti anzuro kyɛ ekohu ye ɔ?”

2 Samuel 1:20

Nnɛma ɛmɔbɔ so wɔ Gate, nnɛma ɛmɔbɔ ye nwo dawure wɔ Asekelɔn dwaaso; ɛmɔbɔ so a, Filisti mmrasua koli ahurusi, na mmenia bɔ bɛmbɛ bɛ bienzua ne, bɛ mmrasua nye kɔgye.

2 Samuel 1:6

Na aberandeɛ bɔ ɔɔbɔle amaneɛ ne buale kyɛ, “Ngɔ mvitele Gilboa bokaa ne aso, na mvum nu, nwuni kyɛ Sɔɔlo kisa ye pealɛɛ ne. Sɔ mmerɛ ne, né teaseɛnam mɔ ne pɔngɔhanɛfoɛ mɔ bafoa ye bapingye ye.

2 Samuel 17:23

Na Ahitofel nwuni kyɛ bamva ye foɛ bɔ watu nen, ɔfale ye nningyein tale ye afunum si, na osili nu hɔle ye awuro wɔ ye kuro. Ɔtotole ye si yé, na afei ɔɔbɔle ye kɔme. Owuli, na besiele ye wɔ ye baba asieleɛ nu.

2 Samuel 21:12

Na ɛhe mane Dawide hɔle Yabese Gileadefoɛ berɛ oolele Sɔɔlo ne ɔwa Yonatan mmowue ne fili bɛ berɛ. Né Yabese Gileadefoɛ bali moa baawua mmowue ne bafi Bete San dwaa ne aso. Kyẽa bɔ Filistifoɛ huni Sɔɔlo wɔ Gilboa ne, Bete San dwaa ne aso yeɛ bɛfale efuin nemɔ besinzele ɔ.

1 Ahemvo 16:18

Simri nwuni kyɛ koɛhonɛfoɛ nemɔ bali kuro ne aso ngonim ne, oowurale ahemvie berɛ abandenden ne anu. Ɔtole ahemvie ne anu see maa ɔyerale ahemvie ne ne ye bɔbɔ maa owuli.

1 Ahemvo 16:27

Afei Omri nwo dwirɛ ngaa ne, nningyein bɔ ɔyɔle, ɔne ngonim bɔ olili ye wɔ koɛ nu, amba, bahyerɛ ye wɔ Yisrael ahemvo nwo dwirɛ nwomaa ne anu.

1 Aberɛso Dwirɛ 10:4

Na Sɔɔlo sele ye somvoɛ bɔ otira ye akodeɛ ne kyɛ, “Twe wɔ ngrandɛ ne fa wɔ me. Anyɔ a, mmenia hemɔ bɔ bɛmbɛ bɛ bienzua ye, bɛkɔɔgoro me nwo.” Nakoso ye somvoɛ bɔ otira ye akodeɛ ne ambene so kyɛ ɔkɔyɔ sɔ ɔ, ofikyɛ ɛserɛ piri hane ye. Yiti Sɔɔlo fale ye bɔbɔ ye ngrandɛ ne, na ɔtole ye nwo yele so huni ye nwo.

Maenbulɛfoɛ 14:3

Nakoso ye baba ne ye maame buale ye kyɛ, “Aso w’abusua nu, anaakyɛ yɛ maen ye anu amukoraati, brasua biala ɔnne nu, bɔ yiti ɔsɛ kyɛ ɛkɔ Filistifoɛ bɔ bɛmbɛ bɛ bienzua ye mɔ anu ekogya braa ɔ?” Nakoso Samson sele ye baba kyɛ, “Kogya ye ma me, ofikyɛ ye yeɛ mekuro ye ɔ.”

Maenbulɛfoɛ 9:54

Berɛ ne ala, Abimɛlɛke frɛle aberandeɛ bɔ otira ye akodeɛ ne sele ye kyɛ, “Twe wɔ ngrandɛ ná ku me, amaa mmenia banga bamva me nwo kyɛ, ‘Brasua yeɛ ohuni ye ɔ.’ ” Yiti aberandeɛ ne hwene ye ngrandɛ fa wɔle ye maa owuli.

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”

1 Samuel 17:26

Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”

1 Samuel 17:36

W’akoaa ahu gyata mɔ ne kwabrafo mɔ, na sɔ Filistiniɛ he bɔ ɔmbɛ ye bienzua ye de, ɔkɔyɛ kyɛ bɛ nu ko ala, ofikyɛ wapɛ Nyameɛ teasefoɛ koɛhonɛfoɛ nemɔ poa.

1 Samuel 26:10

Yeɛ Dawide toale so sele kyɛ, “Kyɛ AWURADE te ase ye, AWURADE yeɛ okohu ye ɔ. Sɛ wanwu ye Ɛdangama wue a, bekohu ye wɔ koɛ nu.

1 Samuel 31:5

Mmerɛ bɔ Sɔɔlo somvoɛ bɔ otira ye akodeɛ ne nwuni kyɛ Sɔɔlo awu nen, ye koso ɔtole ye nwo yele ye ngrandɛ so ɔne Sɔɔlo bewuli.