1 Samuel 30:6 - AHYERƐLƐ KRONGRON

⁶ Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.

1 Samuel 30:6 Iomraidhean Croise

Gyenesise 32:7

Edwirɛ ne mane ɛserɛ piri hane Yakob; ɔhyɛle mmenia bɔ né bɛboka ye so ne anu nyɔ, ɔne mmoaen ne nandwie ne mbɔngɔ mɔ koso nu kure nyɔ.

2 Samuel 17:8

Na Husae toale so sele kyɛ, “Ɛse kyɛ wɔ baba ne ye mmenia nemɔ bɛte koɛhonɛfoɛ, na bɛ nye aboro kyɛ kwabrafo bɔ ebie ahye ye mma wɔ eburo ɔ. Asa koso, wɔ baba se koɛ ko paa, na ɔne koɛhonɛfoɛ nemɔ bɛngɔla neka horɛ kɔngɔen.

2 Ahemvo 4:27

Braa ne oodwuli Nyameɛ sona ne anwo berɛ wɔ bokaa ne aso ne, ɔkotole sɔle ye gya. Gehasi hɔle braa ne anwo berɛ kyɛ ɔkwaapia ye fi berɛ. Nakoso Nyameɛ sona ne sele kyɛ, “Yakyi ye, ofikyɛ odi aworabɔlɛ piri; AWURADE afa afea me bɔ wanga wangyire me ɔ.”

YOB NWOMAA NE 13:15

Sɛ oku me po a, ye yeɛ ɔte m’anyelasoɛ ɔ, nakoso me ne ye yɛkɔbɔ kuro.

Edwein 116:10

Male mali, mmerɛ bɔ ngane kyɛ, “Nwɔ amaneɛ nu paa” ne po.

Edwein 138:3

Kyẽa bɔ nzu mvrɛle wɔ ne, etiele me sufrɛ, na ɛmane me kra hɔle so nyane anwoserɛ.

Edwein 18:2

AWURADE te me nyɔbotaen, m’anwoserɛ afealeɛ ne me defoɛ, me Nyameɛ, me nyɔbotaen bɔ mebɔ me nwo waen wɔ wɔ nu ɔ, me buralɛ ataadeɛ ne me ngoalelɛ anwoserɛ ɔne m’anwoserɛ afealeɛ.

Edwein 18:6

Nzu mvrɛle AWURADE wɔ m’amaneɛ nu, na ndeane nu mvrɛle me Nyameɛ kyɛ ɔboka me. Ɔwɔ ye asɔneyɛɛ sua nu dɔ yeɛ ɔtele me komvi ɔ, na me sufrɛ dwuli ye so anu.

Edwein 25:17

Adwenedwene bɔ ɔla me so ne te piri, ao, ye me fi m’amaneɛnwunɛ nu.

Edwein 27:14

Ma wɔ nye ɔla AWURADE so, gyina pindinn ná ma wɔ hue yɛ se; nahorɛ nu, ma wɔ nye ɔla AWURADE so!

Edwein 31:24

Ɛ́mɔgyina pindinn, ná ɛ́mɔma ɛmɔ hue yɛ se, ɛmɔ amukoraa bɔ ɛmɔ nye la AWURADE so ɔ.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 42:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 42:7

Sɛ w’asue nemɔ bɛse wuruwuru a, né buma frɛ buma; w’asorɔkye ne wɔ nzue bɔ ɔse wuruwuru ne, babu bafa me so.

Edwein 56:11

Nyameɛ yeɛ mefa me wora mewura ye nu ɔ, yiti menzuro hwee; nzikyɛ yeɛ kuro sona kɔhora kɔfa kɔyɔ me ɔ?

Edwein 62:1

Nyameɛ ngome yeɛ me kra ayɛ konn bɔ ye nye la ye so ɔ, na ye berɛ yeɛ me ngoalelɛ fi ba ɔ.

Edwein 62:5

Me kra, Nyameɛ ngome yeɛ ma wɔ nye ɔla ye so ɔ, na ye berɛ yeɛ m’anyelasoɛ fi ba ɔ.

Edwein 71:4

Ao me Nyameɛ, pepɛ de me fi bɔnefoɛ sa nu, pepɛ de me fi amumuyɛɛfoɛ ne atianuserɛfoɛ sa nu.

Edwein 71:5

Ofikyɛ ao AWURADE, wɔ yeɛ ɛte m’anyelasoɛ ɔ, ao AWURADE, ofi me ngwadaa nu, wɔ yeɛ me wora wura wɔ nu ɔ.

Ɛksadɔso 17:4

Yiti Mose sũ frɛle AWURADE kyɛ, “Nzikyɛ yeɛ nyɔ mma mmenia ye mɔ ɔ? Bɛ́pena bɛboro me nyɔboɛ.”

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 25:4

Ofikyɛ ɛte bɛ bɔ bɛyɛ anwumvo ɔ b’anwoserɛ afealeɛ, ehiafoɛ b’anwoserɛ afealeɛ wɔ b’anwokyere nu, afealeɛ wɔ mvrama piri nu, ɔne nekaa fɔnwoo wɔ eyia gyireingyirein nu, ofikyɛ atianuserɛfoɛ b’anyandimlilɛ ne, ɔte kyɛ mvrama bɔ otu kofĩ fasue ɔ,

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yona 2:2

“Nzu mvrɛle AWURADE wɔ m’amaneɛnwunɛ nu, na otiele me; ndeane nu mvili ɛborɔ kunu dɔ, na etiele me sufrɛ.

Numeri 14:10

Nakoso maen ne amu yɛle b’adwene kyɛ bɛkɔboro bɛ nyɔboɛ. Yeɛ AWURADE animnyam yele ye nwo ali ɛtena sua atenaleɛ ne anu hyirele Yisraelfoɛ amukoraa.

Mateo 21:9

Na ɛlɔen bɔ beli ye nyunu ne, bɛ ne bɛ bɔ beli ye si ne, bɛbɔle ese kyɛ, “Hosana hã Dawide Awa ne! Saleɛ ole bɔ ɔnate Awurade dumaa nu ɔ́ba ye! Hosana wɔ anwuro anwuro!”

Mateo 27:22

Na Pilato bisale bɛ kyɛ, “Nzaade nzikyɛ yeɛ mva nyɛ Yesu bɔ bɛfrɛ ye Kristo ne ɔ?” Na bɛ mukoraa bɛhane kyɛ, “Maa bɛbɔ ye mmeamudua nu!”

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.

Romanfoɛ 4:18

Ye bɔ mmerɛ bɔ anyelasoɛ nne berɛ ne, ogyinane anyelasoɛ so ole lili, amaa ɔnate so wayɛ amaenmaen pee bɛ nana, kyɛbɔ Nyameɛ hã hyirele ye kyɛ, “Sɔ yeɛ wɔ bosofoɛ bɛkɔyɛ ɔ.”

Romanfoɛ 4:20

Wanzu aporowaa wamma ye adwene anyɛ ye naa wɔ Nyameɛ bɔhyɛ ne anwo, na mmom ogyinane pindinn wɔ gyidie nu ɔhyɛle Nyameɛ animnyam.

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

2 Korintofoɛ 1:6

Na sɛ yɛnwu amaneɛ a, né ɛmɔ aworakyekyerɛ ne ɛmɔ ngoalelɛ ti ɔ; yeɛ sɛ yɛnya aworakyekyerɛ a, né ɛmɔ aworakyekyerɛ ti ɔ, bɔ sɛ ɛmɔle aboterɛ begyina amaneɛ bɔ yɛ koso yɛnwu ye ne noa bie a, ɛmɔ sa kã ye ne.

2 Korintofoɛ 4:8

Yɛnwu amaneɛ wɔ nikyee biala nu, nakoso ommu y’abasa nu; yɛ nwo ahyere yɛ, nakoso yɛle anyelasoɛ.

2 Korintofoɛ 7:5

Mmerɛ bɔ yɛhɔle Makedonia nen, yɛfɛle yɛ nwonaen nu paa, na ɛhawo wale yɛ so wɔ nekaa biala: ngondii pɛle yɛ nwo yiale, na yɛ bɔbɔ yɛ nu koso ɛserɛ hane yɛ.

Hebrifoɛ 13:6

Yiti yɛkora yɛsi y’ahone yɛkã kyɛ, “Awurade te me bokafoɛ, mengosuro nikye fee. Kuro sona kɔhora kɔyɔ me nzu?”

Maenbulɛfoɛ 18:25

Na Danfoɛ sele ye kyɛ, “Nnɛteatea nu gua yɛ so. Sɛ ɛyɔ sɔ a, mmenia bɔ bafɛ yaa paa kɔwa wɔ so, na ɛne w’awuro ama ɛmɔkɔhwere ɛmɔ ngoa.”

Maenbulɛfoɛ 20:22

Yisraelfoɛ koɛhonɛfoɛ nemɔ sili bɛ hue, na besa beegyinagyinane nekaa bɔ beegyinane kyẽa bɔ oli moa ne.

1 Samuel 1:10

Né Hana wora abɔ paa, na ole esuɛ hahii fale ye mbaeɛ tole AWURADE nyunu.

1 Samuel 23:16

Yeɛ Sɔɔlo awa Yonatan sili nu hɔle Dawide berɛ wɔ Horese, na ɔkyekyele Dawide wora kyɛ Nyameɛ kɔbɔ ye nwo waen.

1 Samuel 28:15

Afei Samuel bisale Sɔɔlo kyɛ, “Nzu ati yeɛ agyegye me amaa mafi ɛborɔ dɔ mawa ɔ”? Na Sɔɔlo buale kyɛ, “Edwirɛ piri paa ato me, ofikyɛ Filistifoɛ afa koɛ batoa me. Nakoso Nyameɛ ayakyi me nu, na ɔmva ngɔmhyɛlɛfoɛ so anaa laleɛ nu mmua me ko. Yiti yeɛ mafrɛ wɔ kyɛ eehyire me bɔ nyɔ ɔ.”