1 Samuel 30:23 - AHYERƐLƐ KRONGRON

²³ Nakoso Dawide sele kyɛ, “Aliɛmaa mɔ, nikyee bɔ AWURADE afa ama yɛ ne, ɔnzɛ kyɛ ɛmɔfa bɛbɔ atianuserɛ. Wabɔ yɛ nwo waen, na wafa mmenia bɔ bɛɛbɔle yɛ so apaa ne wawura yɛ sa.

1 Samuel 30:23 Iomraidhean Croise

Gyenesise 19:7

na osele kyɛ, “Aliɛmaa mɔ, mesrɛ ɛmɔ ala, nnɛma ɛmɔbɔ sɔ musue ne.

Habakuku 1:16

Yiti bɛbɔ afɔleɛ bɛma b’asawu ne, bɛyera ɛyɛɛ bɛma bɛ tɛen ne; ofikyɛ ɔnate bɛ so yeɛ bɛtena ase wɔ anwotɔ nu ɔ.

Asomafoɛ 22:1

“Aliɛmaa mɔ ne ngya mɔ, ɛ́mɔtie edwirɛ bɔ mekã mefa mesa me nwo mekyire ɛmɔ ye.”

Asomafoɛ 7:2

Na Setefano buale kyɛ, “Aliɛmaa mɔ ne me baba mɔ, ɛ́mɔtie me! Animnyam Nyameɛ ne ɔyele ye nwo ali hyirele yɛ nana Abraham mmerɛ bɔ né ɔwɔ Mesopotamia ne, koraka yeɛ ɔbaahɔ kɔtena Haran ɔ,

Deuteronomi 8:10

Na sɛ edidi ma wɔ ko yi a, ye AWURADE wɔ Nyameɛ ayɛ, ɔnate aseɛ paa bɔ wafa wama wɔ ne ati.

Deuteronomi 8:17

Nnɛyɛ w’adwene kyɛ, ‘Ɔnate m’anwoserɛ ne m’abasa nu serɛ so yeɛ manya me nwo ɔ.’

Deuteronomi 8:18

Na mmom kaye AWURADE wɔ Nyameɛ, ofikyɛ ye yeɛ ɔma wɔ anwoserɛ maa ɛfa nya wɔ nwo ɔ, kyɛbɔ kekesaala ye ɔwɔ so ɔyɔ ye; amaa ɔnate so apam bɔ ɔtale ye nwo ndaen hyirele wɔ nana mɔ ne, wasi ye agyinayɛɛ.

Maenbulɛfoɛ 19:23

Yeɛ biaa ne bɔ ɔte awuro ne mene ne, ofite ooyiale bɛ, na osele bɛ kyɛ, “Daabi, daabi, nniɛma mɔ, nnɛma ɛmɔyɔ sɔ amumuyɛɛ he. Biaa he te me wɔfoɛ, yiti nnɛma ɛmɔyɔ sɔ nyanzoen nikyee he.

1 Samuel 2:7

AWURADE yeɛ ɔma ebie di hiaa, ná osa ma ebie nya ye nwo ɔ; ye yeɛ ɔbrɛ sona ase, ná osa pagya sona ɔ.

1 Samuel 30:22

Yeɛ mmenia bɔ bɛ ne Dawide hɔle ne, bɛ nu atianuserɛfoɛ ne ammɔbrafoɛ biemɔ sele kyɛ, “Bɛ ne yɛ angɔ, yiti koɛ nu nzesadeɛ bɔ yaale ne, yɛngɔma bɛ bie. Bɛ ye mɔ ne bɛ mma mɔ ala, yeɛ bɛ nu biala ye sa kɔha ye ɔ.”

1 Samuel 30:24

Bɔ ɛmɔaha ne, ebiala ne ɛmɔ nyɛ adwene. Ofikyɛ, sona bɔ ogyina koɛ noa ne, ye koɛ nu nzesadeɛ bue deɛ ne, sɔ ala yeɛ sona bɔ ɔneane nningyein ne koso, ɔsɛ kyɛ onya ɔ. Bɛkyɛ ye pɛ.”

1 Samuel 30:8

Na Dawide bisale AWURADE kyɛ, “Mbo apaabɔlɛfoɛ hemɔ so anaa? Ngɔto bɛ anaa?” Na AWURADE buale ye kyɛ, “Po bɛ so, ɛkɔto bɛ, na mekã mekyire wɔ kyɛ, mmenia bɔ bahye bɛ nnure ne, ekole bɛ.”