1 Samuel 30:16 - AHYERƐLƐ KRONGRON

¹⁶ Misraimniɛ ne fale Dawide hɔle apaabɔlɛfoɛ nemɔ dɔ. Né bayɛ berɛ amukoraa birikabirika. Né begu so bedidi, bɛno, bego abilie, ɔnate koɛ nu nzesadeɛ worawora bɔ baafa ye Filistifoɛ aseɛ so ne Yuda aseɛ so ne ati.

1 Samuel 30:16 Iomraidhean Croise

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

1 Aberɛso Dwirɛ 4:43

Beehuhuni Amalɛkefoɛ ngaa bɔ bɛnwatili ne, na batena berɛ maa waadwu ɛnɛ ye.

YOB NWOMAA NE 20:5

kyɛ bɔnefoɛ ngɔsoɛ ɔndena berɛ ngyɛ, ɔne kyɛ sona bɔ ɔnze Nyameɛ ne, ye anigye te tikaape bie ɔ?

Edwein 119:162

Medi ahurusi wɔ wɔ dwirɛ ne anwo, kyɛ ebie bɔ wanya koɛ nu nzesadeɛ pee ɔ.

Ɛksadɔso 32:6

Bedwɔsole alebahyene bɛbɔle naen yeralɛ afɔleɛ ne asomdwee afɔleɛ. Mmenia ne tenane ase bedidili bɛnone, na bedwɔsole begole.

Yesaya 22:13

Nakoso nea: anwosɛpɛlɛ ne anigye, nandwie ne mmoaen hunɛ, naenlilɛ ne nzaanonɛ. (Na ɛmɔnwa) “Ɛ́mɔma yɛdidi ná yɛno, ofikyɛ ɛhema né yawu.”

Yesaya 9:3

Ama maen ne anu mmenia bata bayɛ pee, amaa banya anika piri, benya ahurusi wɔ wɔ nyunu kyɛbɔ mmenia nya anigye wɔ fieso aleɛ falɛ nu ɔ, kyɛbɔ mmenia di ahurusi wɔ koɛ nu nzesadeɛ hyɛlɛ nu ɔ.

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

Yosua 22:8

na osele bɛ kyɛ, “Anwonyadeɛ pee, nyɛmmoa pee, ɛdwetɛ, esikaa kɔkorɛ, kɔɔbere, mmuralɛ ne ndena pee paa yeɛ ɛmɔsa bɛfa bɛkɔ ɛmɔ tena sua nemɔ anu ɔ; na koɛ nu nzesadeɛ bɔ ɛmɔanya bafi ɛmɔ pɔfoɛ mɔ berɛ ne, odi kyɛ ɛmɔ ne ɛmɔ aliɛma mɔ bɛkyɛ.”

Maenbulɛfoɛ 8:11

Yiti Gideon fale teaseɛnam atee bɔ ɔla Noba ne Yobeha eyia afiteleɛ so ne aso, na oofuni koɛhonɛfoɛ nemɔ anu fale koɛ tetale bɛ.

1 Samuel 30:14

Yɛɛbɔle apaa wɔ Keretifoɛ ngwaen dɔ, Yuda ngwaen dɔ, yeɛ Kalebo ngwaen dɔ, na yɛtole Siklage nu see.”

1 Samuel 30:15

Na Dawide bisale ye kyɛ, “Ekoohyire me nekaa bɔ apaabɔlɛfoɛ nemɔ wɔ ne anaa?” Yeɛ obuale kyɛ, “Fa Nyameɛ ta ndaen kyire me kyɛ engohu me, anaakyɛ ɛngɔfa me ngowura me mene sa, na ngoohyire wɔ nekaa bɔ apaabɔlɛfoɛ nemɔ bɛwɔ ɔ.”