1 Samuel 3:7 - AHYERƐLƐ KRONGRON

⁷ Né AWURADE onnya ɔyyele ye nwo ali ohhyirele Samuel, yeɛ né onnya ɔttele AWURADE noa dwudwolɛ.

1 Samuel 3:7 Iomraidhean Croise

Yeremia 9:24

Na mmom ebiala bɔ ɔhoahoa ye nwo ne, odi kyɛ ɔhoahoa ye nwo kyɛ ole nimdeɛ, ná ɔse me kyɛ me ole AWURADE bɔ mefa ɔdɔ bɔ onni ngasi, ndɛenbualɛ turoloo ne nahorɛlilɛ yeɛ meyɛ me nningyein wɔ aseɛ ye aso ɔ. Na sɔ nningyein nemɔ yeɛ me nye gye bɛ nwo ɔ, AWURADE noa dwirɛ ɛne.”

Asomafoɛ 19:2

na obisale bɛ kyɛ, “Ɛmɔyɛle agyidifoɛ nen, aso ɛmɔnyane Sunzum Krongron ne?” Na bebuale kyɛ, “Daabi, yɛ de yɛttele ye le po kyɛ Sunzum Krongron bie wɔ berɛ ɔ.”

1 Korintofoɛ 13:11

Mmerɛ bɔ né nde akwadaa ne, ndwudwole kyɛ akwadaa, ndwenene kyɛ akwadaa, me ndeaseɛ yɛle kyɛ akwadaa. Nakoso nyɛle panyi ye de, mayakyi ngwadasɛm ne.

1 Samuel 3:6

Na AWURADE sa frɛle Samuel kyɛ, “Samuel!” Na Samuel dwɔsole hɔle Eli berɛ oosele ye kyɛ, “Ɛfrɛle me, me ɛhe.” Nakoso Eli buale kyɛ, “Mma, mmvrɛle wɔ, sa kɔla.”

1 Samuel 3:8

AWURADE sa frɛle Samuel ye pɛen nza so. Na odwɔsole hɔle Eli berɛ ɔɔhane kyɛ, “Ɛfrɛle me, me ɛhe.” Na Eli nwuni kyɛ AWURADE yeɛ ɔ́frɛ abɛɛmaa ne ɔ.