1 Samuel 3:3 - AHYERƐLƐ KRONGRON

³ Né Nyameɛ kanea ne onnya nnuane. Né Samuel la AWURADE asɔneyɛɛ sua ne anu, wɔ nekaa bɔ Nyameɛ alaka ne gyi ne.

1 Samuel 3:3 Iomraidhean Croise

2 Aberɛso Dwirɛ 13:11

Ngyerɛmɔ ne nɔsoa biala, bɛbɔ naen yeralɛ afɔleɛ ne ɛyɛɛ fona afɔleɛ bɛma AWURADE. Na esikaa kɔkorɛ paa poen ne, bɛhyehyɛ paanoo folii begua so. Bɛnea kyɛ esikaa kɔkorɛ kanea bakaa ne, ye kanea nemɔ kɔsɔ nɔsoa biala, ofikyɛ yɛyɔ bɔ AWURADE yɛ Nyameɛ ahyɛ yɛ kyɛ yɛyɔ ɔ. Nakoso ɛmɔ de, ɛmɔapo ye.

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 29:9

AWURADE komvi ma dabɔɔ mɔ bɛwo, ɔma ɛhɔayeɛ mɔ nu da berɛ pralaa, na ye asɔneyɛɛ sua ne anu, ebiala tea nu kyɛ, “Animnyam hã Nyameɛ!”

Edwein 5:7

Nakoso, ɔnate wɔ ɔdɔ bɔ onni ngasi ne ati, ngɔwa w’awuro; ɔnate kyɛ mesuro wɔ ne ati, ngɔfa me nye ngohyire w’asɔneyɛɛ sua krongron ne ngɔsɔne wɔ.

Ɛksadɔso 25:31

Fa sikaa kɔkorɛ paa yɔ kanea bakaa. Fa sikaa kɔkorɛ paa bɔ bafa buralɛ baboro ɔ yɔ ye nyinasoɛ ne ye bakaa mumua ne. Ma ye kulie mɔ, ye mmaen mɔ, ye sa mɔ, yeɛ ye nyerɛen nemɔ béfi sɔ sikaa kɔkorɛ kundunzii komapɛ ne ala nu.

1 Samuel 1:6

Né Hana ɔhora taa ka ye anyinga paa ma ye wora bɔ, ofikyɛ né AWURADE amaa wayɛ mmotaen.

1 Samuel 1:9

Bedidili bɛnone beyiele wɔ Silo nen, Hana dwɔsole [ɔɔfale ye mbaeɛ tole AWURADE nyunu]. Né ɔsɔfo Eli te bia so wɔ AWURADE asɔneyɛɛ sua anoa nu berɛ.