1 Samuel 3:2 - AHYERƐLƐ KRONGRON

² Sɔ mmerɛ ne, né Eli nye ahyɛ ye bo wayɛ wusiwusi bɔ onnwu nikyee yé ɔ, na né ɔla ye sua nu.

1 Samuel 3:2 Iomraidhean Croise

Gyenesise 27:1

Yisake nyini, na ye nye so yɛle ye wusiwusi bɔ né onnwu nikyee ne, ɛlɛho ɔfrɛle ɔwa panyi Yisɔ sele ye kyɛ, “Mma,” na osurole kyɛ, “Baba me ɛhe.”

Gyenesise 48:10

Ɔnate enyinɛ ti, né Yisrael nye ayɛ wusiwusi maa onnwu nikye. Yiti Yosef fale bɛ pingyele ye, na Yisrael fele bɛ noa tɔle bɛ nu.

Gyenesise 48:19

Nakoso ye baba ambene, na osele kyɛ, “Mese, mma mese, ɛhe koso kɔyɛ maen, ye koso ɔkɔyɛ sona titire, nakoso oliɛma kãa ne koli mu kɔtra ye, na ye bosofoɛ kɔyɛ maen maen pee.”

1 Ahemvo 14:4

Yeroboam aye ne yɔle sɔ ala: osili nu hɔle Silo na oodwuli Ahiya awuro. Sɔ mmerɛ ne, né Ahiya onnwu nikye. Ɔnate enyinɛ bɔ wanyi ne ati, né ye nye so ayɛ ye musinamusina.

Edwein 90:10

Ngyẽa bɔ yɛdi ye aseɛ ye aso te afoɛ aburasoo, anaa sɛ anwoserɛ wɔ nu po a, ɔte afoɛ aburawɔtwɛ, na ɛhene po, nu fɛɛ ne amaneɛ! Ɔngyɛ né wapɛ nu, ná yatu yamini.

Nworɛ Dwirɛhanɛniɛ 12:3

kyẽa bɔ awuro berɛ awɛmvoɛ mɔ bɛ nwo kɔwosowoso bɛ, bɔ mmienzua anwoserɛfoɛ bɛ nu kokundu, bɔ mmrasua bɔ besi aburoo ɔ bɛkɔyakyi ye silɛ, ɔnate kyɛ bɛnzone, mmerɛ bɔ bɛ bɔ bɛnea mboma nu ɔ bɛ nye so kɔyɛ bɛ wusiwusi;

1 Samuel 2:22

Afei né Eli ayɛ panyi paa. Na ɔtele nikyee biala bɔ ye mma nemɔ bɛfa bɛyɔ Yisrael amukoraa ne. Osa tele kyɛ bɛ ne mmrasua bɔ bɛso wɔ ɛtena sua atenaleɛ nu anoa nu berɛ ne bɛda.

1 Samuel 4:15

Né Eli ali afoɛ aburahona ne mmɔtwɛ, yeɛ né ye nye so ayɛ ye musinamusina bɔ onnwu nikyee ɔ.