1 Samuel 3:19 - AHYERƐLƐ KRONGRON

¹⁹ Na Samuel de onyi ne, AWURADE gyinane ye si, na edwirɛ biala bɔ Samuel hane ne, AWURADE maa ɔwale nu.

1 Samuel 3:19 Iomraidhean Croise

Gyenesise 21:22

Sɔ mmerɛ ne, Abimɛlɛke ne ye safohene Fikol beesele Abraham kyɛ, “Nyameɛ li wɔ si wɔ nikyee biala bɔ ɛyɔ nu;

Gyenesise 28:15

Nea, ngyi wɔ si na ngɔbɔ wɔ nwo waen nekaa biala bɔ ɛkɔhɔ ɔ, na ngosa ngɔfa wɔ ngɔwa aseɛ ye aso. Ofikyɛ mengɔyakyi wɔ nu kɔpem kyɛ ngɔyɔ bɔ mafa mahyɛ wɔ bɔ ne amu ɔ.”

Gyenesise 39:2

Na AWURADE gyinane Yosef si, maa ɔɔyɛle sona bɔ ye nwo ba mvorɛ ɔ, na ɔtenane ye mene Misraimniɛ n’awuro.

Gyenesise 39:3

Na ye mene nwuni kyɛ AWURADE gyi ye si, na AWURADE sá ma nikyee biala bɔ ɔyɔ yɛ yee.

1 Ahemvo 8:56

“Animnyam hã AWURADE bɔ wama ye maen Yisrael banya asomdwee, kyɛbɔ ɔhyɛle bɔ ne ala. Nningyein paa bɔ ɔnate ye somvoɛ Mose so hyɛle ye nwo bɔ ne amukoraa, nu ko po nne berɛ bɔ wamma nu ɔ.

2 Ahemvo 10:10

Ɛ́mɔnwu ye kyɛ AWURADE dwirɛ bɔ wahã wafa Ahabo ye awuro ama nwo ne, nu ko po nne berɛ bɔ ɔngɔwa nu ɔ; ofikyɛ edwirɛ bɔ AWURADE nate ye somvoɛ Elia so ɔhane ne, ye ala yeɛ AWURADE ayɔ ne.”

2 Ahemvo 15:12

Bɔhyɛ bɔ AWURADE hyɛle Yehu ole kyɛ, “Wɔ mma mmienzua mɔ koli Yisrael bia maa okoodwu aworɛ ndoatoasoɛ nna so.” Na ɔwale nu sɔ ala.

2 Ahemvo 22:16

AWURADE nwa nyoo: nwomaa bɔ Yuda hene akenga ne, ngogyina nu dwirɛ amukoraa so ngɔfa amaneɛ ngɔto maen he ɔne nu ama so.

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Yesaya 44:26

Me yeɛ mema me somvoɛ ye noa dwirɛ osi pi, ná mema me bɔfoɛ mɔ bɛ ngɔmhyɛlɛ ɔba nu ɔ. Me yeɛ mekã mekyire Yerusalem kyɛ, ‘Mmenia kɔtena wɔ nu,’ yeɛ mekã mekyire Yuda nguro kyɛ, ‘Bɛkɔkyekye wɔ bieku, na ngosa ngɔkyekye wɔ kurofoen nemɔ bieku.’

Yesaya 55:11

sɔ ala yeɛ me dwirɛ bɔ ofi me noa kɔwa ne ɔte ɔ. Ongosa ngɔwa me berɛ mbaen, na mmom sana wayɔ bɔ mekuro kyɛ meyɔ ɔ, ɔne kyɛ okoyie botaeɛ bɔ yiti yeɛ nzomane ye ɔ.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Luka 1:28

Na abɔfo ne wale ye berɛ oosele kyɛ, “Asomdwee hã wɔ! Wɔ bɔ balo wɔ ɔ, Awurade gyi wɔ si!”

Luka 1:80

Na akwadaa ne nyini, na ɔyɛle se sunzum nu, na ɔtenane ɛserɛ so maa oodwuli kyẽa bɔ ɔyele ye nwo ali hyirele Yisrael ɔ.

Luka 2:40

Na akwadaa ne nyini, na ɔyɛle se sunzum nu, na onwuni nworɛ paa, na né Nyameɛ adom wɔ ye so.

Luka 2:52

Na Yesu nyini nworɛ ne nipadua nu, yeɛ onyane adom wɔ Nyameɛ ne sona nyunu.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

2 Korintofoɛ 13:14

Y’Awurade Yesu Kristo adom ne, Nyameɛ dɔ ne, ɔne Sunzum Krongron abiɛngoɛfalɛ ne ɔne ɛmɔ amukoraa bɛtena. Amen.

Deuteronomi 18:22

Tie, sɛ ngɔmhyɛlɛniɛ bie dwudwo AWURADE dumaa nu, nakoso edwirɛ ne anzi anaa wamma nu a, né ɔte edwirɛ bɔ nna AWURADE yeɛ waha ɔ. Ngɔmhyɛlɛniɛ ne wabɔ ye bɔbɔ ye ti anu yeɛ waha ɔ, nnɛma ɛmɔsuro ye.

2 Timoteo 4:22

Awurade [Yesu Kristo] ne wɔ sunzum bɛtena. Adom ɔ́yɛ ɛmɔ deɛ. Amen.

Yosua 21:45

Edwirɛ fɛɛ amukoraa bɔ AWURADE fa bɔle Yisrael awuro ama anohoba nen, wanni bɛ ngasi wɔ bɛ nu biala nu, na ye mukoraa wale nu.

Maenbulɛfoɛ 13:24

Braa ne wole bienzua na ɔtole ye dumaa Samson. Akwadaa ne nyini, na AWURADE yirale ye.

1 Samuel 10:7

Na sɛ sɔ nningyein hemɔ ba nu ma wɔ a, yɔ nikyee biala bɔ ekuro ɔ, ofikyɛ Nyameɛ gyi wɔ si.

1 Samuel 12:2

Ɛ́mɔtie, afei de, ɛhene ne yeɛ ɔla ɛmɔ noa ɔ. Me de, mayɛ aworowaa bɔ mafu gyein ɔ, nakoso me mma mmienzua nemɔ de, bɛboka ɛmɔ so. Mali ɛmɔ nyunu toonn fite me ngwadaa nu maa waadwu ɛnɛ kyẽa ye.

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”

1 Samuel 18:12

Né Sɔɔlo suro Dawide, ofikyɛ né AWURADE gyi Dawide si; nakoso Sɔɔlo de, né AWURADE aye ye sa wafi ye bo.

1 Samuel 18:14

Dawide nyane ngɔsoɛ wɔ bɔ ɔyɔle amukoraati nu, ofikyɛ AWURADE lili ye si.

1 Samuel 18:5

Koɛ biala bɔ Sɔɔlo somane Dawide maa ɔɔhone ne, olili ngonim, yiti Sɔɔlo maa ɔlale koɛhonɛfoɛ nemɔ noa. Na ɛhe yɛle koɛhonɛfoɛ ne amukoraa ne Sɔɔlo somvoɛ nemɔ po fɛ.

1 Samuel 2:21

AWURADE lole Hana, ɔnwonzɛle, na osa wole mmienzua nza ne mmrasua nyɔ. Na akwadaa Samuel nyini wɔ AWURADE solɛ adwuma ne anu.

1 Samuel 2:26

Abɛɛmaa Samuel hɔle so nyini, na ɔsɔle AWURADE ne kuro sona nye.

1 Samuel 9:6

Nakoso somvoɛ ne buale ye kyɛ, “Tie, Nyameɛ sona bie wɔ kuro he aso, na ɔte sona bɔ bebu ye ɔ. Bɔ ɔkɔha biala, ɔba nu. Maa yɛhɔ berɛ, na ebiaa ɔkɔha atee bɔ yawa ye nwo dwirɛ kohyire yɛ.”