1 Samuel 29:4 - AHYERƐLƐ KRONGRON

⁴ Nakoso Filistifoɛ safohene nemɔ fɛle Akise so yaa, na besele ye kyɛ, “Ma akoaa he osa hɔ nekaa bɔ afa ama ye kyɛ ɔtena ne. Ɔnzɛ kyɛ yɛne ye bɔ nu yɛkɔ koɛ ne. Anyɔ a né wapɛ ye nwo ɔne yɛ aho. Nzikyɛ yeɛ sɔ akoaa he kɔfa kɔpata ye mene ɔ? Mmenia bɔ yɛwɔ wa ye, aso nna yɛ ti yeɛ ɔkɔfa kɔpata ye ɔ?

1 Samuel 29:4 Iomraidhean Croise

1 Aberɛso Dwirɛ 12:19

Mmerɛ bɔ Dawide ne Filistifoɛ bɛfale koɛ bɛɛtoale Sɔɔlo ne, Manase koɛhonɛfoɛ nemɔ bie nwati fili Yisrael koɛhonɛ kure ne anu bɛɛbokale Dawide so. (Nakoso Dawide wammoka Filistifoɛ nemɔ, ofikyɛ Filisti mbanyi dwenene ye nwo bɛfoane Dawide. Bɛnwa, “Sɛ Dawide yakyi yɛ nu kodi ye mene Sɔɔlo si a, ɔkɔmaa yɛkɔfa yɛ ngoa yɛkɔpɛ so.”)

1 Aberɛso Dwirɛ 12:20

Na osili nu kyɛ ɔkɔ Siklage ne, Manasefoɛ hemɔ nwatili bɛɛbokale ye so: Adena, Yosabade, Yediayɛl, Mikayɛl, Yosabade, Elihu ne Siletae, na bɛ yeɛ né bɛlela koɛhonɛfoɛ apee nemɔ anoa ɔ.

Ɛksadɔso 1:10

Ɛ́mɔma yɛfa bɛ yɛfa nworɛ atee bie aso. Anyɔ a bɛkɔsone pee, na sɛ koɛ bie ba a, bɛkɔɔboka yɛ pɔfoɛ mɔ ná baho batia yɛ, ná banya atee banwati bafi maen ye anu.”

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

1 Samuel 14:21

Né Hebrifoɛ biemɔ bafa bɛ nwo baabɔ Filistifoɛ dada, bɔ né bɛ ne bɛ wɔ b’asikyeleɛ ne anu berɛ ɔ. Na bɛ koso bɛpɛle bɛ nwo bɛɛfale bɛ nwo bɛbɔle Yisraelfoɛ bɔ bɛwɔ Sɔɔlo ne Yonatan bue nu ne.

1 Samuel 27:6

Na sɔ kyẽa ne ala, Akise fale akuraa bɔ oli Siklage mane ye. Na ɔnate sɔ ati, Siklage ɔɔyɛle Yuda ahemvo mɔ deɛ maa waadwu ɛnɛ.

1 Samuel 29:9

Na Akise buale Dawide kyɛ, “Me ngome de, mese kyɛ wɔ nwo sannwuu kyɛ Nyameɛ abɔfo, nakoso Filistifoɛ safohene mɔ nwa: ‘Yɛ ne ye ngɔhɔ koɛ ne.’

1 Samuel 30:1

Ye ɛlɛsa ne aso, bɔ Dawide ne ye mmenia nemɔ beedwuli Siklage nen, né Amalɛkefoɛ baabɔ apaa wɔ Yuda ngwaen dɔ ne Siklage. Né bafa koɛ baatoa Siklage bato nu see.