1 Samuel 28:6 - AHYERƐLƐ KRONGRON

⁶ Sɔɔlo bisale AWURADE, nakoso laleɛ nu oo, Yurim so oo, anaa ngɔmhyɛlɛfoɛ so oo, AWURADE andɛ ye so.

1 Samuel 28:6 Iomraidhean Croise

2 Samuel 22:42

Bɛtotole bɛ nye, nakoso bannya defoɛ biala, besu bɛfrɛle AWURADE, nakoso wandɛ bɛ so.

Edwein 74:9

Yɛnnwu yɛ frangaa nemɔ; ngɔmhyɛlɛniɛ biala nne berɛ ko; na yɛ nu biala nze kyẽa bɔ ɛhe bo kɔpɛ ɔ.

Ɛksadɔso 28:20

ná folii bɔ ɔtɔ so nna ne yɛ nyɔboɛ bɔ bɛfrɛ ye bɛrile, onike ne yasepa. Fa sikaa kɔkorɛ pɛ ye nwo hangra.

Ɛksadɔso 28:30

Yurim ne Tumim ne, fa wurawura ahone so ndɛenbualɛ aguasoɛ ne anu, amaa bagua Aarɔn ahone so mmerɛ biala bɔ ɔkɔhɔ AWURADE nyunu ɔ. Yiti nikyee bɔ Yisraelfoɛ fa bisa Nyameɛ apɛdeɛ ne, Aarɔn kɔsoa ye wɔ ye ahone so wɔ AWURADE nyunu daa.

Anyandera 27:1

Nnɛfa ɛhema hoahoa wɔ nwo, ofikyɛ ɛnze alehyeleɛ nu dwirɛ.

Yeremia 23:28

Ngɔmhyɛlɛniɛ bɔ wahye laleɛ ne, odi kyɛ ɔfa laleɛ ne to dwaa, na bɔ mafa me dwirɛ matua ye noa ne koso, odi kyɛ ɔkã me dwirɛ ne nahorɛ nu. Nzikyɛ ngitahoɛ yeɛ ɔla afafu ne atokoɔ b’afia ɔ? AWURADE noa dwirɛ ɛne.

Awuye 2:9

Ye pambim nemɔ bamimi bahɔ ase, wasɛkye mmuralɛ bɔ ɔbrambram ye si nemɔ, na wabubu nu; ye hene ne ye mbanyi mɔ baali maen maensofoɛ mɔ nu. Mmeraa ne, ɔnne berɛ ko. Ye ngɔmhyɛlɛfoɛ koso, bennya nyekyire bemvi AWURADE berɛ.

Yoel 2:28

Na ɛhe asi ne, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mma mmrasua kɔhyehyɛ ngɔm; ɛmɔ mbanyi mɔ kɔhyehye laleɛ, na ɛmɔ mmerandeɛ konwu nyekyire;

Lewitikɔso 8:8

Ɔfale ahone so aguasoɛ ne wurale ye, na ɔfale Yurim ne Tumim ne wurale ahone so aguasoɛ ne anu.

Mika 3:7

Bɛ bɔ bɛse ase ne, bɛ nyunu kogua ase, na ngonyaayelɛfoɛ kɔfɛre; amba, bɛ mukoraa bekomua bɛ noa, ofikyɛ mmuayɛɛ biala mvi Nyameɛ berɛ ɔmma.

Numeri 12:6

Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Numeri 27:21

Nakoso odi kyɛ ɔba ɔsɔfo Eleasa nyunu maa ɔfa Yurim so obisa AWURADE noa dwirɛ ɔma ye wɔ AWURADE nyunu. AWURADE noa dwirɛ so yeɛ odi kyɛ ɔne Yisrael maen ne amukoraa begyina bɛyɔ nikyee biala ɔ.”

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Yohane 9:31

Yɛse kyɛ Nyameɛ ndie bɔnefoɛ mɔ, nakoso sɛ ebie sɔne Nyameɛ ná ɔyɛ ye apɛdeɛ a, ye yeɛ Nyameɛ tie ye ɔ.

Deuteronomi 33:8

Bɔ ɔha fale Lewi nwo ɛhe: Fa wɔ Tumim ne ma Lewi, fa wɔ Yurim ne ma wɔ krongronniɛ ne, bɔ esole ye neane wɔ Masa, ná ɛne ye perele so wɔ Meriba asue nwo ne.

Yakobo 4:3

Ɛmɔbisa, na ɛmɔ sa nga ye, ofikyɛ nna adwene paa yeɛ ɛmɔfa bebisa ɔ, kyɛbɔ ɔkɔmaa ɛmɔkɔfa bɛkɔyɔ bɔ ɛmɔ akɔnnɔ kuro ɔ.

1 Samuel 14:37

Yiti Sɔɔlo bisale Nyameɛ kyɛ, “Yiti mva koɛ ngɔndoa Filistifoɛ anaa? Aso ɛkɔfa bɛ kowura Yisrael sa anaa?” Nakoso Nyameɛ andɛ ye so sɔ kyẽa ne.

1 Samuel 28:15

Afei Samuel bisale Sɔɔlo kyɛ, “Nzu ati yeɛ agyegye me amaa mafi ɛborɔ dɔ mawa ɔ”? Na Sɔɔlo buale kyɛ, “Edwirɛ piri paa ato me, ofikyɛ Filistifoɛ afa koɛ batoa me. Nakoso Nyameɛ ayakyi me nu, na ɔmva ngɔmhyɛlɛfoɛ so anaa laleɛ nu mmua me ko. Yiti yeɛ mafrɛ wɔ kyɛ eehyire me bɔ nyɔ ɔ.”

1 Samuel 28:5

Na mmerɛ bɔ Sɔɔlo nwuni Filisti koɛhonɛfoɛ nemɔ nen, ɛserɛ hane ye, na ɔbɔle fuin.