1 Samuel 28:3 - AHYERƐLƐ KRONGRON

³ Sɔ mmerɛ ne, né Samuel de wawu ama Yisrael amukoraa basu ye basie ye wɔ ye bɔbɔ ye kuro Rama. Né Sɔɔlo atu nzamangɔmhyɛlɛfoɛ ne musueyelɛfoɛ wafi aseɛ ne aso.

1 Samuel 28:3 Iomraidhean Croise

Ɛksadɔso 22:17

Na sɛ braa ne baba mbene so kyɛ ogya biaa ne a, ye de ɔsɛ kyɛ biaa ne tua sikaa bɔ ɔne ababunu nwo nningyeinyɛlɛ te pɛ ɔ.

Ɛksadɔso 22:18

“Nnɛma musueyelɛniɛ brasua nya ye ti didi nu.

Lewitikɔso 19:31

“Nnɛma ɛmɔkɔ nzamangɔmhyɛlɛfoɛ ne ahɔmeɛ mɔ berɛ bɛkɔpena mmokalɛ befi bɛ berɛ maa begua ɛmɔ nwo fiɛ: Me ole AWURADE ɛmɔ Nyameɛ.

Lewitikɔso 20:27

“Bienzua anaa brasua bɔ ɔte nzamangɔmhyɛlɛniɛ anaa kɔmeɛ ne, odi kyɛ beku ye ɔ; bɛ́boro bɛ nyɔboɛ béhu bɛ, na bɛ wue kɔbɔ bɛ ti so.”

Lewitikɔso 20:6

“Na ebiala bɔ ɔkɔhɔ nzamangɔmhyɛlɛfoɛ ne ahɔmeɛ so, ná okoli bɛ si ne, ngotu me nye ngosie sɔ sona ne aso, na ngɔpɛ ye asue ngofi ye maen nu.

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”

1 Samuel 25:1

Samuel wuli, na Yisrael amukoraa boale bɛ noa besuni ye. Besiele ye wɔ ye kuro Rama. Afei Dawide sili nu hɔle Paran ɛserɛ ne aso dɔ.

1 Samuel 28:9

Na braa ne buale ye kyɛ, “Wɔ bɔbɔ ɛse bɔ Sɔɔlo ayɔ ɔ, kyɛ watu nzamangɔmhyɛlɛfoɛ ne musueyelɛfoɛ wafi aseɛ ye aso. Nzu ati yeɛ ɛpena kyɛ esua me ngaen maa beku me ee?”

1 Samuel 7:17

Né ɔyɛ a, osa ba Rama, ofikyɛ ye kuro ɛne, na né ɔte berɛ yeɛ obu Yisrael maen ne ɔ. Na osili afɔleɛ bokyea berɛ mane AWURADE.