1 Samuel 28:12 - AHYERƐLƐ KRONGRON

¹² Na braa ne nwuni Samuel nen, braa ne teane nu serɛserɛ sele Sɔɔlo kyɛ, “Nzu ati yeɛ alakalaka me ee? Wɔ ole Sɔɔlo!”

1 Samuel 28:12 Iomraidhean Croise

Gyenesise 29:25

Aleɛ hyene ne, Yakob kwaanea a, saa Lea mmom ɔ! Yiti obisale Laban kyɛ, “Nzikyɛ dwirɛ yeɛ afa ali me ye? Nna Rahɛl ti yeɛ nzole wɔ ɔ? Nzu ati yeɛ alakalaka me ye?”

1 Ahemvo 14:5

Na AWURADE sele Ahiya kyɛ, “Tie, Yeroboam aye ne, ɔba wɔ wa ɔbabisa ɔwa ne ati, ofikyɛ anwonyerɛ abɔ akwadaa ne. Edwirɛ sɔa yeɛ kã kyire ye ɔ.” Braa ne hɔle Abiya berɛ ne, ɔyɛle ye nwo kyɛ brasua foforɛ bie ɔ.

1 Samuel 28:11

Yeɛ braa ne bisale ye kyɛ, “Nwa yeɛ mvrɛ ye mvi ɛborɔ dɔ mmrɛ wɔ ɔ?” Na obuale kyɛ, “Frɛ Samuel fi dɔ ma me.”

1 Samuel 28:13

Na Nana Sɔɔlo sele ye kyɛ, “Nnɛsuro, nzikyɛ yeɛ enwu ye ɔ?” Na braa ne buale Sɔɔlo kyɛ, “Menwu sunzum bie kyɛ ofi aseɛ bo dɔ ofite ba.”

1 Samuel 28:3

Sɔ mmerɛ ne, né Samuel de wawu ama Yisrael amukoraa basu ye basie ye wɔ ye bɔbɔ ye kuro Rama. Né Sɔɔlo atu nzamangɔmhyɛlɛfoɛ ne musueyelɛfoɛ wafi aseɛ ne aso.