1 Samuel 27:9 - AHYERƐLƐ KRONGRON

⁹ Sɛ né Dawide fa koɛ kɔtoa mbɔtam bie a, okũkũ berɛ ama, na ɔmma bienzua anaa brasua ko po nnya ye ti nnidi nu. Nakoso berɛ mmoaen, nandwie, afunum, afupɔngɔ ne ndaadeɛ mɔ de, né ɔsesa, na osa ba nekaa bɔ Akise wɔ ne.

1 Samuel 27:9 Iomraidhean Croise

Gyenesise 16:7

AWURADE abɔfo nwuni Hagar wɔ ɛserɛ so nekaa bie bɔ nzue pu fi aseɛnwo ɔ. Sɔ nzue ne wɔ Sure atee so.

Gyenesise 25:18

Ye boso ama tenane fili Hawila maa oodwuli Sure, bɔ sɛ ɛ́kɔ Asiria a ɔwɔ Misraim ndendeneɛ so ne. Na ɔne oliɛma nemɔ amukoraa banyakyi ngondii honɛ.

YOB NWOMAA NE 1:3

Né ole mmoaen apee nzoo, afupɔngɔ apee nza, nandwie nyɔ nyɔ bɔ bafa kɔnnua basosɔ bɛ babɔ nu ɔ sɔ alaa ɛyaa nnu, afunum mmeleɛ ɛyaa nnu, yeɛ somvoɛ pee. Na ɔnate sɔ ati, né ɔte titire tra sona biala bɔ ɔwɔ eyia afiteleɛ ɔ.

Ɛksadɔso 15:22

Afei Mose mane Yisraelfoɛ tuli bɛ bo befili Ɛpo Kɔkorɛ ne anwo, na bɛfale bɛ nye behyirele Sure ɛserɛ ne aso. Bɛnatele ɛserɛ ne aso ɛlɛsa mumua bɔ bannwu nzue ɔ.

Yosua 6:21

Afei bɛfale ngrandɛ behuhuni kuro berɛ ama mukoraa bɔkɔɔ: mmienzua ne mmrasua, ngwadaa ne mbanyi, yeɛ behuhuni nandwie, mmoaen ne afunum amukoraa.

1 Samuel 15:3

Yiti kɔ na kohũ Amalɛkefoɛ, ná sɛkye bɔ bele ye amu bɔkɔɔ. Nnɛma ebiala nya ye ti didi nu, na mmom ku mmienzua ne mmrasua, ngwadaa ne nnɔma, nandwie ne mmoaen, afupɔngɔ ne afunum.’ ”

1 Samuel 15:7

Sɔɔlo lili Amalɛkefoɛ so ngonim fite Hawila toonn oodwuli Sure bɔ ɔwɔ Misraim eyia afiteleɛ ne.

1 Samuel 15:8

Ɔhyele Amalɛkefoɛ hene Agage anyekaenn so, nakoso mmenia ne amu de, ɔfale ngrandɛ huhuni bɛ bɔkɔɔ.