1 Samuel 27:2 - AHYERƐLƐ KRONGRON

² Yiti Dawide sili nu trale ɛwɛen ne hɔle Gate hene Akise bɔ ɔse ole Mayoke ne berɛ. Ɔne mmienzua ɛyaa nzia bɔ bɛboka ye so ne yeɛ bɛhɔle ɔ.

1 Samuel 27:2 Iomraidhean Croise

1 Aberɛso Dwirɛ 12:1

Mmerɛ bɔ né Dawide ɔnwati ɔfa ye nwo fea Kise awa Sɔɔlo ne, koɛhonɛfoɛ bɔ bɛɛbokale Dawide so wɔ Siklage ne, bɛ ɛhe. Koɛhonɛfoɛ ahoneserɛfoɛ bɔ bɛ ne Dawide hɔle koɛ ne, bɛboka so.

1 Samuel 21:10

Sɔ kyẽa ne, Dawide toale so nwatili fili Sɔɔlo berɛ, na ɔhɔle Gate hene Akise berɛ.

1 Samuel 21:11

Na Akise somvoɛ nemɔ sele ye kyɛ, “Dawide bɔ ɔte hene wɔ ye aseɛ so ne, aso nna ye ɛhe? Aso nna ye yeɛ begole abilie bɛtole dwein bɛfrɛfrɛle ye kyɛ, ‘Sɔɔlo ahu apee apee, yeɛ Dawide ahu apee buru apee buru’ ne?”

1 Samuel 25:13

Na Dawide sele ye mmenia nemɔ kyɛ, “Ebiala ɔ́fa ye ngrandɛ sĩ. Bɛ nu biala fale ye ngrandɛ sini. Dawide koso fale ye ngrandɛ deɛ sini. Mmenia kɔyɛ ɛyaa nna lili Dawide si bɛ ne ne hɔle, na bɛyakyili mmenia ɛyaa nyɔ berɛ maa bɛtenane bɛ nningyein ne anwo.

1 Samuel 30:8

Na Dawide bisale AWURADE kyɛ, “Mbo apaabɔlɛfoɛ hemɔ so anaa? Ngɔto bɛ anaa?” Na AWURADE buale ye kyɛ, “Po bɛ so, ɛkɔto bɛ, na mekã mekyire wɔ kyɛ, mmenia bɔ bahye bɛ nnure ne, ekole bɛ.”

1 Samuel 30:9

Yiti Dawide sili nu, ɔne mmienzua ɛyaa nzia bɔ bɛboka ye so ne yeɛ bɛhɔle ɔ. Beedwuli Besɔ bɔnza ne anu, na bɛ nu biemɔ hale berɛ.