1 Samuel 27:10 - AHYERƐLƐ KRONGRON

¹⁰ Na sɛ Akise bisa ye kyɛ, “Nisua yeɛ ɛmɔahɔ baabɔ apaa ɛnɛ ye” a, ɔyɛ a Dawide bua ye kyɛ, “Yɛɛbɔle apaa ne wɔ Yuda aseɛ ne ngwaen dɔ”, anaa “Yerameelfoɛ aseɛ ne ngwaen dɔ”, anaa “Kenifoɛ aseɛ ne ngwaen dɔ.”

1 Samuel 27:10 Iomraidhean Croise

Gyenesise 27:24

Na obisale ye kyɛ, “Aso mma Yisɔ ole wɔ amba?” Na obuale kyɛ, “Yoo, me ɔ.”

2 Samuel 17:20

Na mmerɛ bɔ Absalom somvoɛ nemɔ bɛɛtole braa ne wɔ awuro berɛ ne, bebisale ye kyɛ, “Ahimaase ne Yonatan bɛwɔ nisua?” Na braa ne buale bɛ kyɛ, “Bapɛ asue ne bahɔ.” Bɛpenane bɛ alaa, nakoso bannwu bɛ, yiti besa bɛhɔle Yerusalem.

1 Aberɛso Dwirɛ 2:25

Hesron bamuɛbaa Yerameel, ye mma mmienzua mɔ ɛhe: ye bamuɛbaa Ram, yeɛ Buna, Oren, Osem ne Ahiya.

1 Aberɛso Dwirɛ 2:9

Hesron mma mmienzua bɔ ɔwole bɛ nemɔ ɛhe: Yerameel, Ram ne Kyelubae.

Edwein 119:163

Mekyi ngondombo, mepɔ ye, nakoso me nye gye wɔ mmeraa nwo.

Edwein 119:29

Ye ngondombo bra fi me so kɔ, ná fa wɔ mmeraa ne do me.

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Numeri 24:21

Yeɛ ɔtole ye nye neane Kenifoɛ, na ɔhyɛle ngɔm kyɛ, “Wɔ atenaleɛ gyi berɛ pindinn, na wɔ bue wɔ nyɔbotaen nu;

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Maenbulɛfoɛ 1:16

Mose sia bienzua Hobabo bɔ ɔte Keniniɛ ne, ye boso ama mɔ, bɛ ne Yuda boso ama befili ayee kuro ne anu bɛhɔle Yuda ɛserɛ ne aso. Ɛserɛ ne wɔ ngwaen dɔ aseɛ bɔ opingye Arade ne aso. Bɛ ne Amalɛkefoɛ bɛɛtenane.

Maenbulɛfoɛ 4:11

Né Keniniɛ Heberi wate ye nwo wafi Kenifoɛ ngaa nemɔ anwo. Kenifoɛ bɛte Mose sia bienzua Hobabo ye boso ama, na né bakyekye b’asikyeleɛ maa waadwu Elon Besananim, bɔ opingye Kedese ne.

Maenbulɛfoɛ 5:24

Wɔ Yaele bɔ anya saleɛ atra mmrasua amukoraa ɔ, Keniniɛ Heberi aye, mmrasua bɔ bɛtete ɛtena sua nu ne, anya saleɛ atra bɛ mukoraa.

1 Samuel 15:6

Na Sɔɔlo sele Kenifoɛ kyɛ, “Ɛmɔhɔ! Ɛ́mɔfi Amalɛkefoɛ mɔ nu bɛ́nwati bɛ́hɔ, ná mangu ɛmɔ mamvra bɛ. Ɔnate kyɛ, mmerɛ bɔ né Yisraelfoɛ befi Misraim bɛ́ba ne, ɛmɔyɔle bɛ mukoraa paa.” Yiti Kenifoɛ fili Amalɛkefoɛ nu bɛnwati bɛhɔle.

1 Samuel 21:2

Yeɛ Dawide buale ɔsɔfo Ahimɛlɛke kyɛ, “Nana Sɔɔlo asoma me wafa adwuma bie wawura me sa, na ɔnwa: ‘Ɛsomanɛ bɔ mésoma wɔ ye, nnɛma ebiala te ye nwo bie, yeɛ nnɛma ebiala te nikyee bɔ mahyɛ wɔ kyɛ ɛɛyɔ ne!’ ” Na Dawide toale so hane kyɛ, “Me mmerandeɛ nemɔ de, me ne bɛ yahyehyɛ nekaa bie bɔ beeyia me ɔ.

1 Samuel 23:27

Na sɔ mmerɛ ne ala, ɛbɔfoɛ bie wale Sɔɔlo berɛ oosele ye kyɛ, “Sa bra ndɛndɛ, ofikyɛ Filistifoɛ bawa baabɔ aseɛ ne aso apaa.”

1 Samuel 27:11

Dawide anyakyi bienzua anaa brasua ko po ma wannya ye ti wannidi nu, kyɛ ɔ́fa ye ba Gate, ofikyɛ osusuli kyɛ, “Annea a, né baahã yɛ nwo dwirɛ kyɛ, ‘Bra bɔ Dawide abɔ hɔ ɛhe.’ ” Mmerɛ bɔ Dawide lili ye wɔ Filistifoɛ aseɛ so ne amukoraa, sɔ nikyee ne yeɛ ɔyɔle ɔ.

1 Samuel 29:8

Yeɛ Dawide sele Akise kyɛ, “Nzikyɛ yeɛ mayɔ ɔ? Ofi kyẽa bɔ nhyɛle ye bo nzole wɔ, bɔ ɔbaadwu ɛnɛ ɔ, Nana, me mene, nzikyɛ mvomsoɛ yeɛ anwu ye wɔ wɔ somvoɛ nwo ɔ, bɔ yiti ɔnzɛ kyɛ me ne wɔ pɔfoɛ mɔ yɛkɔko ɔ.”

1 Samuel 30:29

Rakale, Yerameelfoɛ nguro nemɔ, Kenifoɛ nguro nemɔ,