1 Samuel 26:9 - AHYERƐLƐ KRONGRON

⁹ Nakoso Dawide sele Abisae kyɛ, “Nnɛku ye! Nwa yeɛ ɔkɔhora kɔfa ye sa kɔha sona bɔ AWURADE apopa ye ngoo, bɔ ongoli fɔ ɔ?”

1 Samuel 26:9 Iomraidhean Croise

2 Samuel 1:14

Na Dawide bisale ye kyɛ, “Sona bɔ AWURADE apopa ye ngoo ne, yiti anzuro kyɛ ekohu ye ɔ?”

2 Samuel 1:16

Na Dawide sele ye kyɛ, “Wɔ mogya kɔbɔ wɔ bɔbɔ wɔ ti so, ofikyɛ wɔ bɔbɔ ato wɔ noa nu tui aha abua wɔ nwo fɔ kyɛ, ‘Me yeɛ nguni sona bɔ AWURADE apopa ye ngoo ne ɔ.’ ”

2 Samuel 19:22

Nakoso Dawide buale kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu, bɔ ɛnɛ ɛmɔayɛ me pɔfoɛ ye? Aso ɛnɛ ɔsɛ kyɛ beku sona wɔ Yisrael anaa? Aso menze kyɛ ɛnɛ me yeɛ nde Yisrael so hene ɔ.”

Edwein 105:15

Ɔhane kyɛ, “Me mmenia bɔ mapopa bɛ ngoo ne, nnɛma ɛmɔfa ɛmɔ sa bɛkã bɛ; yeɛ me ngɔmhyɛlɛfoɛ koso, nnɛma ɛmɔyɔ bɛ bɔne biala!”

Edwein 17:4

Mmenia bɛ yɔleɛ ne, ngyi wɔ noa dwirɛ so mahwe me nwo mafi basabasayɔlɛfoɛ bɛ yɔleɛ nwo.

Edwein 57:1

Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Edwein 7:4

sɛ mafa bɔne matua sona bɔ ɔne me te asomdwee nu kerɛ, anaakyɛ mafa atee tɛɛ so mafa me pɔfoɛ nningyein a,

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 26:8

Na Abisae sele Dawide kyɛ, “Nyameɛ afa wɔ pɔfoɛ wawura wɔ sa ɛnɛ, yiti maa mva pealɛɛ ne nwɔ ye komapɛ twe ma ɔha aseɛnwo berɛ; mengɔwɔ ye nyɔ koraa.”