1 Samuel 26:8 - AHYERƐLƐ KRONGRON

⁸ Na Abisae sele Dawide kyɛ, “Nyameɛ afa wɔ pɔfoɛ wawura wɔ sa ɛnɛ, yiti maa mva pealɛɛ ne nwɔ ye komapɛ twe ma ɔha aseɛnwo berɛ; mengɔwɔ ye nyɔ koraa.”

1 Samuel 26:8 Iomraidhean Croise

2 Samuel 16:9

Na Seruya awa Abisae sele Nana Dawide kyɛ, “Me mene, ɔwale ye sɛ bɔ sɔ kyea fuin he ɔboro wɔ amoen ɔ? Nana, maa ngɔnde ye ti mvi so.”

Edwein 31:8

Amva me anwura pɔfoɛ ne sa; afa me agyina nekaa bɔ berɛ baye ɔ.

Yeremia 40:15

Yeɛ Kerea awa Yohanan hane ye ahameɛ hyirele Gedalia wɔ Misepa kyɛ, “Mesrɛ wɔ, maa ngɔ ngongu Netania awa Yismael, na ebiala ngonwu sona bɔ ohuni ye ɔ. Nzu ati yeɛ odi kyɛ oku wɔ maa Yudafoɛ amukoraa bɔ bapɛ wɔ nwo bayia ne bɛbɔ aya, ma Yuda ngaa ne bɛ boso nua ɔ?”

Nahum 1:9

Nzikyɛ porɛ yeɛ ɛmɔbɔ bɛfa AWURADE nwo ye? Okonua ɛmɔ boso bɔkɔɔ, ye de, onua nikye boso bɔkɔɔ bɔ onnua ye ye pɛen nyɔ so ɔ.

Romanfoɛ 11:32

Nyameɛ abu mmenia mukoraa kyɛ bɛte asoserɛfoɛ, amaa ɔnate so wanwu bɛ mukoraa anwumvoin.

Deuteronomi 32:30

Ahaa ɔkɔyɛ sɛɛ né sona horɛ wahora wafoa mmenia apee, ná mmenia nyɔ ama mmenia apee buru banwati ɔ? Sana bɛ Nyɔbotaen ne waye ye sa wafi bɛ bo, sana AWURADE aye bɛ wama koraka.

Yosua 21:44

AWURADE bɔle bɛ atenaseɛ asomdwee nu wɔ aseɛ ne aso nekaa biala, kyɛbɔ ɔtale ye nwo ndaen hyirele bɛ nana mɔ ne. Bɛ pɔfoɛ amukoraa nu ko po wangora bɛ nyunu gyina, ofikyɛ AWURADE maa belili bɛ mukoraa so ngonim.

Maenbulɛfoɛ 1:4

Yuda abusua kure sili nu, na AWURADE fale Kanaanfoɛ ne Perisifoɛ wurale bɛ sa. Belili bɛ nu apee buru so ngonim wɔ Beseke.

1 Samuel 23:14

Dawide tenane ɛserɛ so anwoserɛ afealeɛ nemɔ anu, wɔ mmokaa aseɛ bɔ ɔwɔ Sife ɛserɛ ne aso. Sɔɔlo hɔle so penane ye mmerɛ biala, nakoso Nyameɛ amva ye wanwura ye sa.

1 Samuel 24:4

Na Dawide mmenia nemɔ sele ye kyɛ, “Ɛnɛ kyẽa ye yeɛ AWURADE hane ye nwo dwirɛ hyirele wɔ kyɛ, ‘Ngɔfa wɔ pɔfoɛ ngowura wɔ sa maa ɛkɔfa bɔ ekuro biala kɔyɛ ye.’ ” Na Dawide yɛle kudɛɛ ɔɔpɛle Sɔɔlo ataadeɛ tendenn ne noa.

1 Samuel 24:5

Na ɛhe asi ne, Dawide tiboa buale ye fɔ, kyɛ wapɛ Sɔɔlo ataadeɛ tendenn ne noa ɔ.

1 Samuel 26:23

Sona biala ye tengyɛlɛ ne ye nahorɛlilɛ, yeɛ AWURADE gyina so ɔma ye nwo akatuaa ɔ. AWURADE fale wɔ wurale me sa ɛnɛ kyẽa ye, nakoso né menguro kyɛ ngɔfa me sa ngɔhã sona bɔ AWURADE apopa ye ngoo ne ɔ.

1 Samuel 26:7

Yiti Dawide ne Abisae bɛhɔle koɛhonɛfoɛ nemɔ anwo dɔ kɔngɔen. Benwuni kyɛ Sɔɔlo alafe wɔ asikyeleɛ ne afia berɛ, bɔ ye pealɛɛ ne pena ye ti sorɔ ɔ. Né Abenɛ ne koɛhonɛfoɛ nemɔ koso balafe bapɛ ye nwo bayia.

1 Samuel 26:9

Nakoso Dawide sele Abisae kyɛ, “Nnɛku ye! Nwa yeɛ ɔkɔhora kɔfa ye sa kɔha sona bɔ AWURADE apopa ye ngoo, bɔ ongoli fɔ ɔ?”