1 Samuel 26:5 - AHYERƐLƐ KRONGRON

⁵ Afei Dawide sili nu hɔle nekaa bɔ né Sɔɔlo akyekye asikyeleɛ ne. Onwuni nekaa bɔ Sɔɔlo ne ye safohene Abenɛ, bɔ ɔte Nɛɛ awa ne bɛla ɔ. Né Sɔɔlo alafe wɔ asikyeleɛ ne afia, bɔ koɛhonɛfoɛ nemɔ bapɛ ye nwo bayia ɔ.

1 Samuel 26:5 Iomraidhean Croise

2 Samuel 3:27

Abenɛ sa wale Hebron nen, Yoabo ne ye bɛhɔle kuro berɛ pambim ne ahameɛ, kyɛ ɔne ye bɛkwaatu asure. Na Yoabo wɔle Abenɛ kunu dadeɛ huni ye, ɔnate kyɛ né Abenɛ aha Yoabo aliɛma Asahel mogya wagua.

1 Aberɛso Dwirɛ 9:39

Nɛɛ wole Kise; Kise wole Sɔɔlo; Sɔɔlo wole Yonatan, Malkisua, Abinadabo yeɛ Esibaal.

1 Samuel 17:20

Dawide dwɔsole alebahyene, ɔfale mmoaen nemɔ wurale ebie sa kyɛ ɔnea bɛ so, na ɔfale aleɛ ne sili nu hɔle, kyɛbɔ Yese hyɛle ye ne. Mmerɛ bɔ oodwuli asikyeleɛ ne anu ne, né Yisrael koɛhonɛfoɛ nemɔ bétu bɛ bo bekogyina koɛ noa, bɔ né bɛteatea nu bɛ́to koɛ dwein ɔ.

1 Samuel 17:55

Mmerɛ bɔ Sɔɔlo nwuni Dawide kyɛ ɔkwaayia Filistiniɛ ne ɔne ye bɛko ne, obisale safohene Abenɛ kyɛ, “Sɔ aberandeɛ he, nwa awa ɛne?” Na Abenɛ buale kyɛ, “Nana, meta wɔ ndaen kyɛ menze.”

1 Samuel 26:4

Yiti Dawide somane mmenia maa bɛɛtetɛle, na benwuni kyɛ Sɔɔlo awa berɛ amba.

1 Samuel 9:1

Né biaa Benyaminniɛ bie wɔ berɛ bɔ oli Kise. Ɔse ole Abiɛl, bɔ ɔse ole Sero, bɔ ɔse ole Bekorate, bɔ ɔse ole Afia bɔ ɔte Benyamin bosoniɛ ɔ. Né Kise sa nu le bie.