1 Samuel 26:24 - AHYERƐLƐ KRONGRON

²⁴ Na kyɛbɔ mama wɔ ngoa nwo ahia me ɛnɛ ne, sɔ ala yeɛ mesrɛ AWURADE kyɛ, ɔ́ma me ngoa nwo hia ye, ná ole me fi amaneɛ mukoraati nu ɔ.”

1 Samuel 26:24 Iomraidhean Croise

Gyenesise 48:16

abɔfo bɔ aye me afi musue mukoraa nu ɔ, yira mmɛɛmaa ye; maa ɔnate bɛ so, me dumaa, ɔne me mbanyi mɔ Abraham ne Yisake dumaa otira ndii; ma bɛ boso ama bɛsone na bɛyɛ pee wɔ aseɛ ye aso.”

2 Samuel 4:9

Nakoso Dawide buale Beeroteniɛ Rimon ye mma Rekabo ne oliɛma Baana kyɛ, “AWURADE teasefoɛ bɔ wabɔ me nwo waen wafi musue mukoraa nu ne, ngyi ye nyunu meka kyɛ,

Edwein 144:2

Me nyɔbotaen ne m’afealeɛ, m’anwoserɛ afealeɛ ne me defoɛ, m’akokyɛm bɔ mebɔ me nwo adwaa wɔ nu ɔ, bɔ ɔfa maen maen mɔ wura me bo ɔ.

Edwein 18:1

Ao AWURADE bɔ ɛte m’anwoserɛ ɔ, mekuro wɔ dwirɛ.

Edwein 18:25

Sona bɔ odi nahorɛ ma wɔ ne, wɔ wora edi nahorɛ ma ye, yeɛ sona bɔ mvomsoɛ nne ye nwo ne, wɔ wora ɛmaa onwu kyɛ mvomsoɛ nne wɔ nwo.

Edwein 18:48

ye bɔ ode me fi me pɔfoɛ mɔ sa nu ɔ; amba, bɛ bɔ bedwɔso betia me ne, wɔ yeɛ ɛma me so maa bewura me bo ɔ, na ede me fi mmenia bɔ awosii wɔ bɛ ti anu ɔ bɛ sa nu.

Edwein 34:20

Ɔbɔ ye mmowue amukoraa nwo waen, bɔ bɛ nu ko po nu mmu ɔ.

Edwein 54:7

Ofikyɛ wapepɛ wale me wafi amaneɛ amukoraa nu, na mafa me nye manwu me pɔfoɛ mɔ bɛ ngoguo.

Mateo 5:7

“Bɛ bɔ benwu bɛ mmango anwumvoin ne banya saleɛ, ofikyɛ bɛ yeɛ bekonwu bɛ anwumvoin ɔ.

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

2 Tɛsalonika 3:2

Ɛ́mɔsrɛ bɛ́ma yɛ kyɛ Nyameɛ ole yɛ fi amumuyɛɛfoɛ ne bɔnefoɛ sa nu, ofikyɛ nna mmenia mukoraa yeɛ bele gyidie ɔ.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

1 Samuel 18:30

Né ɔyɛ a Filisti safohene nemɔ bɛba kyɛ bɛbaaho koɛ. Na mmerɛ biala bɔ bɛwale nen, Dawide lili bɛ so ngonim trale Sɔɔlo somvoɛ ngaa ne amukoraati. Na ɛhe mane Dawide lele dumaa paa.

1 Samuel 24:16

Dawide hane sɔ dwirɛ ne hyirele Sɔɔlo yiele nen, Sɔɔlo sele kyɛ, “Mma Dawide, wɔ yeɛ edwudwo ye?” Na Sɔɔlo suni hahii.