1 Samuel 26:23 - AHYERƐLƐ KRONGRON

²³ Sona biala ye tengyɛlɛ ne ye nahorɛlilɛ, yeɛ AWURADE gyina so ɔma ye nwo akatuaa ɔ. AWURADE fale wɔ wurale me sa ɛnɛ kyẽa ye, nakoso né menguro kyɛ ngɔfa me sa ngɔhã sona bɔ AWURADE apopa ye ngoo ne ɔ.

1 Samuel 26:23 Iomraidhean Croise

2 Samuel 22:21

“AWURADE neane kyɛbɔ mesi metengyɛ ɔ so mane me ye nwo akatuaa, ogyinane kyɛbɔ me bra si te sannwuu ɔ so mane me ye nwo akatuaa.

2 Samuel 22:25

Ye sɔ ne ati, AWURADE agyina me tengyɛlɛ so wama me ye nwo akatuaa, wagyina kyɛbɔ me bra te sannwuu wɔ ye nyunu ɔ so.

1 Ahemvo 8:32

ye de tie ye wɔ nyameɛso dɔ ná di dwirɛ ne. Bua wɔ ngoaa mɔ ndɛen. Bua bɔ wayɔ mvomsoɛ ne foɛ, ná ma ye musue ɔbɔ ye bɔbɔ ye ti so. Nakoso bɔ ɔtengyɛ ne, ɔnate kyɛ ye ndɛen yɛ fɛ ne ati, bua ye be.

Nehemia 13:14

Ao me Nyameɛ, kaye me wɔ ɛhe anwo. Me Nyameɛ, me nningyein paa bɔ mayɔ ɔfa wɔ sua ne ɔne nu ɛsɔnenɛ adwuma ne anwo ne, nnɛma wɔ wora fi.

YOB NWOMAA NE 34:11

Ofikyɛ otua sona kerɛ kyɛbɔ ye yɔleɛ si te ɔ, na ɔma sona sa ka ye akatuaa, kyɛbɔ ye atee bɔ ɔnate so ɔ si te ɔ.

Edwein 62:12

Na wɔ, ao AWURADE, ɔdɔ bɔ onni ngasi ne te wɔ deɛ, na etua sona biala kerɛ kyɛbɔ ye nnwumaa te ɔ.

1 Samuel 24:11

Oo me baba, nea kyɛ ndira w’ataadeɛ tendenn ne noa ɔ. Sɛ mapɛ w’ataadeɛ tendenn ne noa, ná mangu wɔ a, ye de odi kyɛ ɛte ye bo kyɛ, wɔ nwo adwene tɛɛ biala nne me ti anu, anaa nnyɔle wɔ nwo lɔen. Nnyɔle wɔ bɔne biala, nakoso ɛpena me ku me.

1 Samuel 24:12

Me ne wɔ yɛ munyɔ, AWURADE yeɛ okohyire bɔ odi fɔ ɔ! AWURADE yeɛ ɔkɔtɔ wɔ so wereɛ kɔma me ɔ. Nakoso me de, mengɔfa me sa ngɔhã wɔ.

1 Samuel 24:18

Ɛnɛ amaa manwu kyɛbɔ asi alo me ɔ, ofikyɛ mmerɛ bɔ AWURADE fale me wurale wɔ sa ne, angu me.

1 Samuel 24:19

Nwa yeɛ ɔkɔto ye pɔfoɛ a, ɔmaa ɔfa ye nwo di tɔtorɔtɔɔ ɔkɔ ɔ? Paa bɔ afa ayɛ me ɛnɛ ye, mesrɛ kyɛ AWURADE ɔma wɔ ye nwo akatuaa paa.

1 Samuel 26:11

AWURADE pa gua kyɛ ngɔfa me sa ngɔhã sona bɔ AWURADE apopa ye ngoo ɔ. Nakoso tu pealɛɛ bɔ ɔpena ye ti sorɔ berɛ ne, ná fa nzue ngomvo ne boka so ma yɛhɔ.”

1 Samuel 26:22

Na Dawide buale kyɛ, “Nana, wɔ pealɛɛ ne ɛhe. Ma wɔ mmerandeɛ nemɔ ko bra ɔɔfa.

1 Samuel 26:9

Nakoso Dawide sele Abisae kyɛ, “Nnɛku ye! Nwa yeɛ ɔkɔhora kɔfa ye sa kɔha sona bɔ AWURADE apopa ye ngoo, bɔ ongoli fɔ ɔ?”