1 Samuel 26:21 - AHYERƐLƐ KRONGRON

²¹ Yeɛ Sɔɔlo sele kyɛ, “Mayɔ bɔne, mma Dawide, sa bra, na mengotu me nye ngosie wɔ so ko, ofikyɛ ɛnɛ ahyire kyɛ me ngoa nwo hia wɔ. Mali ngwaseasɛm, na mali edwirɛ tɛɛ piri paa.”

1 Samuel 26:21 Iomraidhean Croise

2 Ahemvo 1:13

Afei ye pɛen nza ne aso, Nana Ahasia sa somane koɛhonɛfoɛ aburannu so safohene ko, ɔne koɛhonɛfoɛ aburannu bɔ sɔ safohene ne la bɛ noa ne. Koɛhonɛfoɛ aburannu so safohene bɔ ɔtɔ so nza ne hɔle oobuli ndwerɛ wɔ Elia nyunu, na ɔsrɛle ye kyɛ, “Ao Nyameɛ sona, mepa wɔ kyerɛ, maa me ne wɔ ngoaa aburannu hemɔ, yɛ ngoa nwo ohia wɔ.

2 Ahemvo 1:14

Amba, see fili nyameɛso ɔɔyerale koɛhonɛfoɛ aburannu so safohene nyɔ nemɔ, bɛ ne koɛhonɛfoɛ aburannu kure nyɔ nemɔ. Nakoso me de, ma me ngoa nwo ohia wɔ.”

Edwein 116:15

AWURADE ye teneneefoɛ bɛ wue, odi mu wɔ ye nyunu.

Edwein 49:8

Ofikyɛ sona kra nyɔboɛ yɛ se paa, na esikaa biala ngɔso ye nwo kerɛ tua

Edwein 72:14

Okole bɛ ngoa kofi nhyɛsoɛ ne nzɛmmɔne nu, na bɛ mogya koli mu wɔ ye nye so.

Ɛksadɔso 9:27

Afei Faro somane maa bɛɛfrɛle Mose ne Aarɔn bɛwale, na osele bɛ kyɛ, “Ɛhe de, mayɛ bɔne, AWURADE di be, na me ne me mmenia mukoraa yɛdi fɔ.

Numeri 22:34

Yeɛ Balaam sele AWURADE abɔfo ne kyɛ, “Mayɔ bɔne, ofikyɛ né menze kyɛ agyina atee ne anu kyɛ esi me ate ɔ. Afei, sɛ bɔ meyɔ ne ɔnzɔ wɔ nye a, ye de, mesa mekɔ awuro.”

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

1 Samuel 13:13

Na Samuel sele ye kyɛ, “Ali ngwaseasɛm! Anni AWURADE wɔ Nyameɛ mmeraa bɔ ɔhyɛ mane wɔ ne aso. W’ahennie ne, ahaa AWURADE kɔma ye bo kotimu wɔ Yisrael daa,

1 Samuel 15:24

Yeɛ Sɔɔlo sele Samuel kyɛ, “Mayɔ bɔne kyɛ mabu AWURADE mmeraa ne wɔ noa dwirɛ so ɔ, ofikyɛ nzurole koɛhonɛfoɛ nemɔ, na ndiele bɛ dwirɛ.

1 Samuel 15:30

Na Sɔɔlo buale ye kyɛ, “Mayɔ bɔne de, nakoso mesrɛ wɔ ala, nnɛgua me nyunu ase wɔ me maen mbanyi ne Yisrael nyunu. Ɛne me sa hɔ ma ngɔnzɔne AWURADE wɔ Nyameɛ.”

1 Samuel 18:30

Né ɔyɛ a Filisti safohene nemɔ bɛba kyɛ bɛbaaho koɛ. Na mmerɛ biala bɔ bɛwale nen, Dawide lili bɛ so ngonim trale Sɔɔlo somvoɛ ngaa ne amukoraati. Na ɛhe mane Dawide lele dumaa paa.

1 Samuel 24:17

Na osele Dawide kyɛ, “Ɛtengyɛ tra me; ofikyɛ paa ala yeɛ ayɛ me ɔ, nakoso me de, bɔne yeɛ mafa matua wɔ kerɛ ɔ.

1 Samuel 26:22

Na Dawide buale kyɛ, “Nana, wɔ pealɛɛ ne ɛhe. Ma wɔ mmerandeɛ nemɔ ko bra ɔɔfa.

1 Samuel 26:24

Na kyɛbɔ mama wɔ ngoa nwo ahia me ɛnɛ ne, sɔ ala yeɛ mesrɛ AWURADE kyɛ, ɔ́ma me ngoa nwo hia ye, ná ole me fi amaneɛ mukoraati nu ɔ.”

1 Samuel 27:4

Na Sɔɔlo tele kyɛ Dawide anwati wahɔ Gate nen, ɔyakyili ye penalɛ.