1 Samuel 26:20 - AHYERƐLƐ KRONGRON

²⁰ Yiti aseɛ bɔ so ama nze AWURADE ne, nnɛkã me mogya gua wɔ so. Sosoa komapɛ yeɛ Yisrael hene asi nu wawa kyɛ ɔbaahye ye ɔ, kyɛbɔ sona foa akɔkɔhwereɛ wɔ mmokaa so ɔ.”

1 Samuel 26:20 Iomraidhean Croise

Yeremia 16:16

“Tie, ngɔsoma maa bɛkɔɔfrɛ mmenia pee bɔ bɛkye nzue nu naen ɔ bɛkɔwa, AWURADE noa dwirɛ ɛne, na bɛkɔɔhye bɛ. Na afei ngɔsoma maa bɛkɔɔfrɛ bɔfoɛ mɔ pee bɛkɔwa, na bɛkɔhyehye mmenia ne wɔ bokaa biala so ne pambaa biala so ne nyɔbotaen nu ndokuro ngumaa nu.

Awuye 3:52

“Me pɔfoɛ mɔ bɛfoa me anyeborolɛ so mbaen kyɛ anomaa.

Mateo 26:47

Na Yesu gu so bɔ odwudwo nen, Yudase bɔ ɔte asuafoɛ buru ne nyɔ nemɔ anu ko ne, ɔwale. Na né ɛlɔen bɔ betiratira ngrandɛ ne mmopura, bɔ befi asɔfo mbanyi ne maen mbanyi mɔ berɛ ɔ bɛboka ye so.

Mateo 26:55

Na sɔ mmerɛ ne anu ala, Yesu sele ɛlɔen ne kyɛ, “Yiti ngrandɛ ne mmopura yeɛ ɛmɔfa bɛbakye me ɔ, kyɛ awerɔm awueniɛ bɔ ɛmɔba ye so ɔ? Ndenane asɔneyɛɛ sua ne anu nyɛle ngyerɛkyerɛ daa biala, nakoso ɛmɔangye me.

1 Samuel 2:9

Ɔbɔ ye anwoteefoɛ nwo waen wɔ atee biala so, nakoso amumuyɛɛfoɛ de, bewuwu aworabɔlɛ wue; ofikyɛ nna anwoserɛ yeɛ sona fa di ngonim ɔ.

1 Samuel 24:11

Oo me baba, nea kyɛ ndira w’ataadeɛ tendenn ne noa ɔ. Sɛ mapɛ w’ataadeɛ tendenn ne noa, ná mangu wɔ a, ye de odi kyɛ ɛte ye bo kyɛ, wɔ nwo adwene tɛɛ biala nne me ti anu, anaa nnyɔle wɔ nwo lɔen. Nnyɔle wɔ bɔne biala, nakoso ɛpena me ku me.

1 Samuel 24:14

Nwa koraa yeɛ Yisrael hene kyini pena ye ku ye ye? Nwa yeɛ ɛfoa ye ye? Aso nna kyea fuin yeɛ ɛfoa ye ɔ? Aso nna sosoa ko yeɛ ɛfoa ye ye?

1 Samuel 24:15

AWURADE te ndɛenbualɛniɛ, na yɛ nu ko bɔ odi fɔ ne, okobua ye fɔ. Mesrɛ kyɛ ɔneanea nu, oli me dwirɛ ma me, ná ole me fi wɔ sa nu.”

1 Samuel 25:29

Me mene, sɛ ebie yɛ kyɛ ɔfoa wɔ pena wɔ ku wɔ a, ye de AWURADE wɔ Nyameɛ kɔbɔ wɔ ngoa nwo waen maa ɛkɔboka ateasefoɛ so. Nakoso wɔ pɔfoɛ mɔ bɛ ngoa de, okofindi bɛ kogua kyɛbɔ bɛfa taya befindi nyɔboɛ ne ala.