1 Samuel 26:19 - AHYERƐLƐ KRONGRON

¹⁹ Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’

1 Samuel 26:19 Iomraidhean Croise

Gyenesise 44:18

Na Yuda hɔle Yosef nwo berɛ oosele ye kyɛ, “Me mene, mesrɛ wɔ, ma w’akoaa osusu edwirɛ kãa nwo ohyire ye mene; nnɛfɛ w’akoaa so yaa, ofikyɛ wɔ de wɔ diberɛ te kyɛ Faro bɔbɔ deinn.

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

2 Samuel 14:16

Mese kyɛ Nana kotie me, na sona bɔ ɔpena kyɛ oku me ne mma, ná ɔye yɛ fi Nyameɛ agyapadeɛ nu ne, Nana kole ye afaneɛ kofi ye sa nu.’

2 Samuel 16:10

Nakoso Nana Dawide buale ye kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu? Amoen bɔ ɔ́boro ye, sɛ AWURADE yeɛ waha wahyire ye kyɛ, ‘Boro Dawide amoen,’ a, nwa yeɛ ɔkɔhora kobisa ye kyɛ, ‘Nzu ati yeɛ ɛ́yɔ sɔ ɔ?’ ”

2 Samuel 16:11

Na Dawide sele Abisae ne somvoɛ ne amu kyɛ, “Sɛ me kunu ba po ɔpena me ku me a; nzaade bɔ Benyaminniɛ he ɔ́yɔ ye, ɔnyɛ nwanwa! Ɛ́mɔyakyi ye ma ɔboro amoen ne. Ebiaa AWURADE yeɛ waha wahyire ye kyɛ ɔyɔ sɔ ɔ.

2 Samuel 20:19

Asomdwee mmenia ne mmenia bɔ bedi nahorɛ wɔ Yisrael ne, bɛ nu ko ole me. Kuro bɔ ye nwo hia paa wɔ Yisrael yeɛ ɛpena kyɛ ɛbɔ ye ɔ. Nzu ati yeɛ ɛpena kyɛ enua AWURADE agyapadeɛ boso ɔ.”

2 Samuel 21:3

Yeɛ Dawide bisale Gibeonfoɛ kyɛ, “Nzu yeɛ ɛmɔkuro kyɛ meyɔ mema ɛmɔ ɔ? Nzikyɛ yeɛ ɛmɔkuro kyɛ mefa mepata ɛmɔ ɔ, bɔ ɔnate so ɛmɔkoyira AWURADE mmenia ɔ?”

2 Samuel 24:1

AWURADE ahone huli Yisrael so bieku paa, na ɔmane Dawide yɔle nikyee tiale bɛ. Osele ye kyɛ, “Kɔha Yisraelfoɛ ne Yudafoɛ.”

1 Ahemvo 22:22

Na AWURADE bisale ye kyɛ: Ɛyɛ sɛɛ né alakalaka ye?’ Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔpɛ anoanu.’ Yeɛ AWURADE sele kyɛ, ‘Kɔ na kɔlakalaka ye, na wɔ sa kɔhã yeɛ kɔ na kɔyɔ ye sɔ ala.’

1 Aberɛso Dwirɛ 21:1

Abɔnzam dwɔso tiale Yisrael, na osili Dawide adua maa ɔhale Yisraelfoɛ bɛ somaa.

Edwein 120:5

Edwirɛ ato me oo, kyɛ nde amanvraniɛ wɔ Meseke, kyɛ nde Kedare ɛtena sua nemɔ anu ɔ!

Edwein 20:4

Ɔ́ma wɔ sa hã bɔ w’ahone nu ɛpena ɔ, ná ɔ́ma wɔ nzusuleɛ amukoraa ɔ́yɛ berɛ.

Anyandera 30:10

Nnɛkã akoaa nwo dwirɛ tɛɛ kyire ye mene, ɛyɔ sɔ a, ɔkɔwa wɔ amoen, na ekoli fɔ.

Yesaya 60:5

Afei ekonwu ye, na ɔkɔyɛ wɔ anika, wɔ nye kɔgye maa ekoli ahurusi, ofikyɛ ɛpo so anwonyadeɛ pee kobri kɔwa wɔ berɛ, na maen maen mɔ b’anwonya kɔwa wɔ berɛ.

Lewitikɔso 26:31

Ngɔma ɛmɔ nguro nemɔ kɔbɔ, ná masɛkye ɛmɔ nekaa krongron nemɔ, na me nye ngɔgye ɛmɔ afɔleɛ fonafona nemɔ anwo.

Numeri 36:7

amaa ɔnate so bamva Yisraelfoɛ abusua kure biala aseɛ bamma abusua kure foforɛ; ofikyɛ Yisraelfoɛ bɛ nana mɔ abusua kure aseɛ ne, odi kyɛ bɛ nu biala maa ɔka abusua kure ne anu.

Numeri 36:9

Onni kyɛ bɛfa abusua kure biala aseɛ bɛma abusua kure foforɛ; ofikyɛ Yisraelfoɛ abusua kure biala b’aseɛ ne, odi kyɛ bɛmaa ɔka abusua kure ne anu.”

Romanfoɛ 14:15

Sɛ aleɛ bɔ edi ne ma ebiɛngo di aworabɔlɛ a, ye de né engyire ɔdɔ ko. Nnɛfa w’aleɛ bɔ edi ne sɛkye ebiɛngo bɔ Kristo wu mane ye ne.

Galatiafoɛ 5:12

Na sɛ ɔhale me ngome a, ahaa bɛ bɔ bɛsɛkye ɛmɔ adwene ne atutu bɛ bienzua bo bagua!

Deuteronomi 13:3

ye de nnɛtie sɔ ngɔmhyɛlɛniɛ anaa sɔ sona bɔ ɔnate laleɛ so hyɛ ngɔm ne dwirɛ. Ofikyɛ AWURADE ɛmɔ Nyameɛ óso ɛmɔ nea onwu ye kyɛ, aso ɛmɔ ahone mukoraati ne ɛmɔ kra mukoraati yeɛ ɛmɔfa bekuro AWURADE ɛmɔ Nyameɛ dwirɛ ne a.

2 Timoteo 4:14

Kɔɔbere dwumvoɛ Aleksandro wafa edwirɛ bɔ ɔtte mayee koraa wali me. Awurade kotua ye kerɛ kyɛbɔ ye yɔleɛ te ɔ.

1 Samuel 18:10

Aleɛ hyene ne, Nyameɛ somane sunzum tɛɛ bie maa ɔte pene Sɔɔlo so, na ye nye so yɛle ye krakra wɔ ye awuro berɛ. Sɔ mmerɛ ne, né Dawide ɔbɔ sangoo ne, kyɛbɔ né ɔbɔ ye daa biala ne. Né Sɔɔlo tira ye pealɛɛ ne.

1 Samuel 24:9

Na Dawide sele Sɔɔlo kyɛ, “Bɛ bɔ bɛkeka kyɛ, ‘Dawide pena wɔ ku wɔ’ ne, nzu ati yeɛ etie bɛ dwirɛ ye?

1 Samuel 25:24

Ɔtole ye nwo yele Dawide gya bo, na ɔhane kyɛ, “Me mene, me yeɛ medi fɔ ɔ. Mesrɛ wɔ ala, ma w’afaneɛ ha edwirɛ hyire wɔ, ná tie bɔ w’afaneɛ ɔka ye.

1 Samuel 27:1

Dawide hane ye wɔ ye ti anu kyɛ, “Annea a, ɛlɛho Sɔɔlo konya me kohũ me. Bɔ ɔsɛ kyɛ meyɔ ala ole kyɛ ngɔnwati ngɔhɔ Filistifoɛ aseɛ so. Ɔba ye sɔ a, Sɔɔlo kɔpa aba, bɔ ɔngɔpena me ko wɔ Yisrael aseɛ so ɔ, na ngɔnwati ngofi ye sa nu.”