1 Samuel 26:16 - AHYERƐLƐ KRONGRON

¹⁶ Sɔ nikyee he bɔ ayɔ ye, ɔtte mayee. Na kyɛ AWURADE te ase ye, odi kyɛ beku ɛmɔ, ofikyɛ ɛmɔammɔ ɛmɔ mene bɔ AWURADE apopa ye ngoo ne nwo waen. Nea, Nana Sɔɔlo pealɛɛ ne, ɔne nzue ngomvo bɔ ogyi ye ti sorɔ berɛ ne, bɛwɔ nisua?”

1 Samuel 26:16 Iomraidhean Croise

2 Samuel 12:5

Yeɛ Dawide fɛle sikaniɛ ne so yaa hahii, na osele Natan kyɛ, “Kyɛ AWURADE te ase ye, sona bɔ wabɔ sɔ bra ne, ehunɛ yeɛ ɔsɛ kyɛ beku ye ɔ!

2 Samuel 19:28

Nana, me mene, ahaa me baba abusuafoɛ mukoraa, ehunɛ yeɛ yɛfata kyɛ eku yɛ ɔ. Nakoso amaa me, wɔ somvoɛ, maboka mmenia bɔ bedidi wɔ poen so ne aso. Nana, nzikyɛ bieku yeɛ ngɔhora ngobisa ngofi wɔ berɛ ɔ?”

1 Ahemvo 2:26

Nana Solomon sele ɔsɔfo Abiata kyɛ, “Kɔ w’aseɛ so wɔ Anatote, ofikyɛ ɛfata ewue. Nakoso mengohu wɔ sɔ mmerɛ ye, ofikyɛ ɛneane AWURADE Nyameɛ apam alaka ne aso wɔ me baba Dawide aberɛ so. Afei koso, amaneɛ bɔ me baba nwuni ye ne amukoraa, ɛne ye yeɛ benwuni ye ɔ.”

Edwein 102:20

kyɛ okotie kukunufoɛ bɛ penenɛ, kyɛ ɔkɔpepɛ kole bɛ bɔ bɛbaahu bɛ ɔ,

Edwein 79:11

Ma kukunufoɛ bɛ penenɛ bɔ bɛpene ne, odwu wɔ nyunu; gyina wɔ tumi piri ne aso pepɛ de bɛ bɔ bɛbaahu bɛ ne.

Ɛfesofoɛ 2:3

Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

1 Samuel 20:31

Na mmerɛ bɔ Yese awa ne ɔtɛte ase ye de, wɔ anaa w’ahennie ngogyina. Maa bɛɛfa ye bɛbrɛ me kekesaala ye, ofikyɛ ɔfata kyɛ beku ye ɔ.”

1 Samuel 24:6

Na osele ye mmenia nemɔ kyɛ, “AWURADE pa gua kyɛ ngɔyɔ sɔ nikyee ne ngotia me mene bɔ AWURADE apopa ye ngoo ɔ, kyɛ ngɔfa me sa ngɔhã ye ɔ, ofikyɛ AWURADE apopa ye ngoo.”

1 Samuel 26:11

AWURADE pa gua kyɛ ngɔfa me sa ngɔhã sona bɔ AWURADE apopa ye ngoo ɔ. Nakoso tu pealɛɛ bɔ ɔpena ye ti sorɔ berɛ ne, ná fa nzue ngomvo ne boka so ma yɛhɔ.”

1 Samuel 26:15

Na Dawide buale Abenɛ kyɛ, “Saa ɛtte bienzua! Nwa yeɛ ɔne wɔ bɛte pɛ wɔ Yisrael ɔ? Nzu ati yeɛ ammɔ wɔ mene Nana Sɔɔlo nwo waen ɔ? Koɛhonɛfoɛ ne, ko wale asikyeleɛ ne anu kyɛ ahaa ɔbaahu wɔ mene Nana Sɔɔlo.

1 Samuel 26:9

Nakoso Dawide sele Abisae kyɛ, “Nnɛku ye! Nwa yeɛ ɔkɔhora kɔfa ye sa kɔha sona bɔ AWURADE apopa ye ngoo, bɔ ongoli fɔ ɔ?”