1 Samuel 26:12 - AHYERƐLƐ KRONGRON

¹² Yeɛ Dawide fale pealɛɛ bɔ ɔpena Sɔɔlo ti sorɔ berɛ ne, ɔne nzue ngomvo ne, na besili nu bɛhɔle. Ebiala nye ambɛ so, anaa ebiala ande, yeɛ ebiala andingye. Né bɛ mukoraa balafe, ofikyɛ né AWURADE ama nnafelɛ hatee atɔ bɛ so.

1 Samuel 26:12 Iomraidhean Croise

Gyenesise 15:12

Na eyia yɛle kyɛ ɔkwaatɔ nen, nnafelɛ hatee wuale Abram, na awosii tunn suronyisuronyi tole ye.

Gyenesise 2:21

Yiti AWURADE Nyameɛ mane sona ne lafele hatee. Na ɔlale nen, ɔyele ye mvenu mbaleɛ ko, na ɔfale anwoɔnaen tuale ye boso.

Ɛseta 6:1

Sɔ kyẽa ne kɔngɔen, Nana Ahasuro angora da. Yiti ɔhyɛle kyɛ bɛfa abakɔsɛm nwomaa bɔ ɔte aberɛso dwirɛ ne bɛbra. Na bɛkengale behyirele ye.

Yesaya 29:10

Ofikyɛ AWURADE afa nnafelɛ hatee sunzum wato ɛmɔ so, ɛmɔ nye bɔ yeɛ ɔte ngɔmhyɛlɛfoɛ ne, wamuamua ye, ɛmɔ ti bɔ yeɛ ɔte mmenia bɔ bɛse ase ne, wamundu so.

1 Samuel 24:4

Na Dawide mmenia nemɔ sele ye kyɛ, “Ɛnɛ kyẽa ye yeɛ AWURADE hane ye nwo dwirɛ hyirele wɔ kyɛ, ‘Ngɔfa wɔ pɔfoɛ ngowura wɔ sa maa ɛkɔfa bɔ ekuro biala kɔyɛ ye.’ ” Na Dawide yɛle kudɛɛ ɔɔpɛle Sɔɔlo ataadeɛ tendenn ne noa.

1 Samuel 26:13

Afei Dawide trale bɔnza ne hɔle ye si dɔ, na oogyinane bokaa ne ti afia wɔ dedeede. Né ɔne nekaa bɔ Sɔɔlo wɔ ne, nu twe.

1 Samuel 26:7

Yiti Dawide ne Abisae bɛhɔle koɛhonɛfoɛ nemɔ anwo dɔ kɔngɔen. Benwuni kyɛ Sɔɔlo alafe wɔ asikyeleɛ ne afia berɛ, bɔ ye pealɛɛ ne pena ye ti sorɔ ɔ. Né Abenɛ ne koɛhonɛfoɛ nemɔ koso balafe bapɛ ye nwo bayia.