1 Samuel 24:9 - AHYERƐLƐ KRONGRON

⁹ Na Dawide sele Sɔɔlo kyɛ, “Bɛ bɔ bɛkeka kyɛ, ‘Dawide pena wɔ ku wɔ’ ne, nzu ati yeɛ etie bɛ dwirɛ ye?

1 Samuel 24:9 Iomraidhean Croise

Edwein 101:5

Ebiala bɔ ɔfea toatoa obiɛngo ne, ngɔmaa ɔkɔhã ye noa kɔto nu. Sona bɔ ɔte nduhoɛ ne anwomasoɛ ne de, mengɔpene ye.

Edwein 141:6

Sɛ bɛ mbanyi mɔ bɛfa bɛ bewura bɛ bɔ bekobua bɛ foɛ mɔ sa a, ye de bekonwu kyɛ me dwirɛ yɛ fɛ paa.

Anyandera 16:28

Sona bɔ adwene paa nne ye ti anu ne, ɔma ngondii tɔ mmenia b’afia, na nzekurebɔlɛniɛ tete abiɛngoɛ mɔ b’afia.

Anyandera 17:4

Nzɛmmɔneniɛ tie nnakannakafoɛ bɛ noa dwirɛ, yeɛ ngondomboniɛ koso tie sona bɔ ɔte kanda ɔ dwirɛ.

Anyandera 18:8

Nzekurebɔlɛniɛ ye noa dwirɛ te menemene, na edwirɛ ne woroworo wɔ.

Anyandera 25:23

Kyɛbɔ sorɔ dɔ mvrama fa esue ba ne, sɔ ala yeɛ sɛ ɛkã ebie si dwirɛ a ɔfa ɛyaafɛlɛ ba ɔ.

Anyandera 26:28

Sona bɔ ɔlakalaka ye mmango ne, okyi bɛ, yeɛ bɔ ɔfa ye noa dɛfɛdɛfɛ ne, ɔma mmenia kɔ amaneɛ nu.

Anyandera 29:12

Maenbulɛniɛ bɔ otie ngondombo dwirɛ ne, ye mbanyi amukoraa bɛyɛ bɔnefoɛ.

Yeremia 37:18

Yeremia sa bisale Nana Sedekia kyɛ, “Nzikyɛ tɛɛ yeɛ mayɔ wɔ anaa wɔ mbanyi anaa maen he bɔ ɛmɔafa me bato kuku nu ye?

Lewitikɔso 19:16

Nnɛkyinikyini kekã mmenia nwo dwirɛ tɛɛ, nnɛdi adanzewia ma ebiɛngo nya ewue, ná enya ye wue si mvasoɛ: Me ole AWURADE.

Yakobo 3:6

Temverema koso te see. Temverema te ewiase bɔ ɔndengyɛ bɔ wafra y’akwaa mɔ nu ɔ; ɔbɔ musue maa ɔkã nipadua ne amukoraa, ɔfa see to mmenia asetena nu, na abɔnzam see nu yeɛ onya ye see ne fi ɔ.

1 Samuel 20:1

Dawide nwatili fili Nayote bɔ ɔwɔ Rama, na ɔhɔle Yonatan berɛ oobisale ye kyɛ, “Mayɔ nzu? Nzikyɛ mvomsoɛ yeɛ mayɔ ɔ? Nzikyɛ bɔne yeɛ mayɔ matia wɔ baba bɔ yiti ɔpena me ku me ye?”

1 Samuel 20:41

Abɛɛmaa ne fili berɛ hɔle pɛ yeɛ Dawide fili nyɔbotaen ne asi fitele ɔ. Ɔtole ye nwo yele aseɛnwo berɛ fale ye nyunu butuli berɛ, na ɔbɔle ye ti ase pɛen nza. Bɛtotɔle bɛ nwo nu, besuni, na Dawide aworabɔlɛ deɛ bole so.

1 Samuel 24:10

Tie, ɛnɛ kyẽa ye, wɔ nye tua kyɛbɔ AWURADE fale wɔ wurale me sa, wɔ nyɔboɛ bɔ wasi sua ne anu ɔ. Ebiemɔ sele me kyɛ ngu wɔ, nakoso mamaa anya wɔ ti adidi nu. Na ngane kyɛ, ‘Mengɔfa me sa ngɔhã me mene, ofikyɛ AWURADE apopa ye ngoo.’

1 Samuel 24:8

Ye si ye, Dawide koso fili nyɔboɛ bɔ wasi sua ne anu fitele, na ɔtole Sɔɔlo huuu kyɛ, “Nana, me mene ee!” Sɔɔlo pɛle ye nye neane nziɛ, na Dawide fale ye nyunu butuli berɛ anidie nu.

1 Samuel 26:18

Na Dawide fa sɔle so kyɛ, “Nzu ati yeɛ me mene ɔfoa ye somvoɛ ɔ? Mayɔ nzu? Bɔne beni yeɛ mayɔ ɔ?

1 Samuel 26:19

Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’