1 Samuel 24:8 - AHYERƐLƐ KRONGRON

⁸ Ye si ye, Dawide koso fili nyɔboɛ bɔ wasi sua ne anu fitele, na ɔtole Sɔɔlo huuu kyɛ, “Nana, me mene ee!” Sɔɔlo pɛle ye nye neane nziɛ, na Dawide fale ye nyunu butuli berɛ anidie nu.

1 Samuel 24:8 Iomraidhean Croise

Gyenesise 17:3

Afei Abram fale ye nyunu butuli berɛ, na Nyameɛ sele ye kyɛ,

1 Ahemvo 1:31

Yeɛ Bahyeba kotole fale ye nyunu butuli berɛ wɔ Nana Dawide nyunu. Na ɔhane kyɛ, “Me mene Nana Dawide, wɔ ngoa so oo!”

Ɛksadɔso 20:12

“Di ɛse ne eni ni, amaa ɔnate so anya ngoa tendenn wɔ aseɛ bɔ AWURADE wɔ Nyameɛ ɔ́fa ma wɔ ne aso.

Romanfoɛ 13:7

Ɛ́mɔtua ebiala deɛ bɔ ɔfata ye ɔ bɛ́ma ye! Ɛ́mɔtua ɛtoɔ bɛ́ma bɔ ɛtoɔ fata ye ɔ; ɛ́mɔtua ndɔ bɛ́ma bɔ ndɔ fata ye ɔ; ɛ́mɔsuro bɔ odi kyɛ besuro ye ɔ; yeɛ ɛ́mɔfa anidie bɛ́ma bɔ anidie fata ye ɔ.

1 Petro 2:17

Ɛ́mɔfa anidie bɛ́ma mmenia amukoraa! Ɛ́mɔhurohuro aliɛmaa mɔ agyidifoɛ dwirɛ! Ɛ́mɔsuro Nyameɛ! Ɛ́mɔfa anidie bɛ́ma ɛhene ne!

1 Samuel 20:41

Abɛɛmaa ne fili berɛ hɔle pɛ yeɛ Dawide fili nyɔbotaen ne asi fitele ɔ. Ɔtole ye nwo yele aseɛnwo berɛ fale ye nyunu butuli berɛ, na ɔbɔle ye ti ase pɛen nza. Bɛtotɔle bɛ nwo nu, besuni, na Dawide aworabɔlɛ deɛ bole so.

1 Samuel 24:7

Yiti Dawide hwili ye mmenia nemɔ nyunu, na wamma bɛ ate ma banyɔ Sɔɔlo nikyee fee. Afei Sɔɔlo dwɔsole, na ofili nyɔboɛ bɔ wasi sua ne anu sili nu kyɛ ɔkɔ.

1 Samuel 24:9

Na Dawide sele Sɔɔlo kyɛ, “Bɛ bɔ bɛkeka kyɛ, ‘Dawide pena wɔ ku wɔ’ ne, nzu ati yeɛ etie bɛ dwirɛ ye?

1 Samuel 26:17

Sɔɔlo tele kyɛ Dawide komvi ɔ, na ɔhane kyɛ, “Mma Dawide, wɔ yeɛ édwudwo ye anaa?” Na Dawide buale kyɛ, “Me mene, Nana Sɔɔlo, me yeɛ médwudwo ye.”

1 Samuel 28:14

Na Sɔɔlo bisale braa ne kyɛ, “Ye sue te sɛɛ?” Obuale kyɛ, “Biaa aworowaa bie yeɛ ófite ba ɔ, na owura ataadeɛ tendenn bie.” Yiti Sɔɔlo nwuni kyɛ Samuel ɔ, na Sɔɔlo fale ye nyunu butuli ase kotole ye.