1 Samuel 24:3 - AHYERƐLƐ KRONGRON

³ Sɔɔlo oodwuli mmoaennduin biemɔ anwo wɔ atee ne noa. Né nyɔboɛ bie asi sua wɔ berɛ, na owurale nu kyɛ ɔkɔ bakaa so. Nyɔbotaen bɔ wasi sua ne, né Dawide ne ye mmenia nemɔ baawurawura ye kunu dɔ paa.

1 Samuel 24:3 Iomraidhean Croise

Edwein 141:6

Sɛ bɛ mbanyi mɔ bɛfa bɛ bewura bɛ bɔ bekobua bɛ foɛ mɔ sa a, ye de bekonwu kyɛ me dwirɛ yɛ fɛ paa.

Maenbulɛfoɛ 3:24

Ehude hɔle ne, ye si ye, Eglon somvoɛ nemɔ sa hɔle dɔ. Na benwuni kyɛ batoto aborɔsaen so dɔ anoa nemɔ anu nen, bɛdwenene kyɛ, “Ebiaa, ɔ́kɔ bakaa so wɔ aborɔsaen ne aso dɔ.”

1 Samuel 13:2

Sɔɔlo neaneane Yisrael maen ne anu yele mmienzua apee nza. Bɛ nu apee nyɔ ne Sɔɔlo hɔle Mikimase ne Betel mmokaa aseɛ so, yeɛ apee ko koso ne Yonatan bɛhɔle Gibea bɔ ɔwɔ Benyamin. Na koɛhonɛfoɛ ngaa ne de, ɔmaa besa bɛhɔle b’awuro.

1 Samuel 26:2

Yiti Sɔɔlo sili nu hɔle Sife ɛserɛ so, bɔ Yisrael koɛhonɛfoɛ apee nza bɔ bɛse ko paa boka ye so ɔ, kyɛ ɔkwaapena Dawide wɔ Sife ɛserɛ so.

1 Samuel 26:3

Sɔɔlo kyekyele asikyeleɛ wɔ Hakila bokaa bɔ ɔwɔ Yesimɔn ndendeneɛ so ne aso, wɔ atee ne anoa. Nakoso Dawide de, ɔhale ɛserɛ ne aso, na ɔtele kyɛ Sɔɔlo awa kyɛ ɔbaapena ye ku ye.