1 Samuel 24:17 - AHYERƐLƐ KRONGRON

¹⁷ Na osele Dawide kyɛ, “Ɛtengyɛ tra me; ofikyɛ paa ala yeɛ ayɛ me ɔ, nakoso me de, bɔne yeɛ mafa matua wɔ kerɛ ɔ.

1 Samuel 24:17 Iomraidhean Croise

Gyenesise 38:26

Yuda lele tole nu kyɛ ye deɛ ɔ, na osele kyɛ, “Ɔtengyɛ tra ne, ofikyɛ mamva ye mamma mma bienzua Hyela maa wangya ye.” Na Yuda ne ye anna ko.

Edwein 37:6

Na ɔkɔma wɔ tenenee kɔla ali kyɛ kanea, ná wɔ belilɛ ne wata kyɛ eyiagyina.

Ɛksadɔso 9:27

Afei Faro somane maa bɛɛfrɛle Mose ne Aarɔn bɛwale, na osele bɛ kyɛ, “Ɛhe de, mayɛ bɔne, AWURADE di be, na me ne me mmenia mukoraa yɛdi fɔ.

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

1 Samuel 26:17

Sɔɔlo tele kyɛ Dawide komvi ɔ, na ɔhane kyɛ, “Mma Dawide, wɔ yeɛ édwudwo ye anaa?” Na Dawide buale kyɛ, “Me mene, Nana Sɔɔlo, me yeɛ médwudwo ye.”

1 Samuel 26:21

Yeɛ Sɔɔlo sele kyɛ, “Mayɔ bɔne, mma Dawide, sa bra, na mengotu me nye ngosie wɔ so ko, ofikyɛ ɛnɛ ahyire kyɛ me ngoa nwo hia wɔ. Mali ngwaseasɛm, na mali edwirɛ tɛɛ piri paa.”