1 Samuel 24:13 - AHYERƐLƐ KRONGRON

¹³ Na mbanyi mɔ bu anyandera kyɛ, ‘Sona bɔ ɔtte mayee ne, ye yɔleɛ koso ɔtte mayee.’ Nakoso me de, mengɔfa me sa ngɔhã wɔ.

1 Samuel 24:13 Iomraidhean Croise

Gyenesise 16:5

Na Sarae sele Abram kyɛ, “Edwirɛ tɛɛ bɔ ɔfa di me ne, ɔkɔbɔ wɔ ti so. Me yeɛ mvale m’afaneɛ mane wɔ kyɛ ɛne ye bɛla ɔ, nakoso onwuni kyɛ ɔnwonzɛ nen, afei de ommu me. Mesrɛ kyɛ AWURADE obua wɔ ne me y’afia ndɛen!”

1 Aberɛso Dwirɛ 12:18

Yeɛ Amasae bɔ ɔla koɛhonɛfoɛ aburasa nemɔ noa ne, Sunzum ne wale ye so ɔ, na ɔhane kyɛ, “O Dawide, yɛte wɔ deɛ; O Yese awa, yɛne wɔ ala! Asomdwee, asomdwee ɔ́yɛ wɔ deɛ, ná ebiala bɔ ɔkɔboka wɔ ne koso, ónya asomdwee! Ofikyɛ wɔ Nyameɛ yeɛ ogyi wɔ si ɔ.” Yiti Dawide maa bɛɛbokale ye so, na ɔmaa bɛlelale ye koɛhonɛfoɛ nemɔ noa.

Hesekiel 16:44

“Tie, ebiala bɔ obu anyandera ne, okobu sɔ anyandera he kɔfa wɔ nwo: ‘Kyɛbɔ niɛ ne te ne, sɔ ala yeɛ ɔwa brasua ne koso ɔte ɔ.’

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Mateo 7:20

Yiti bɛ yɔleɛ yeɛ ɛmɔkɔfa bekonwu bɛ ɔ.

Maenbulɛfoɛ 11:27

Nna me yeɛ mayɔ wɔ tɛɛ ɔ, na mmom wɔ yeɛ ayɔ me tɛɛ bɔ ɛfa koɛ batoa me ɔ. AWURADE bɔ ɔte ndɛenbualɛniɛ ne, ɛnɛ okohyire Yisraelfoɛ ne Amonfoɛ bɛ nu horɛ bɔ ye dwirɛ yɛ fɛ ɔ.”