1 Samuel 24:12 - AHYERƐLƐ KRONGRON

¹² Me ne wɔ yɛ munyɔ, AWURADE yeɛ okohyire bɔ odi fɔ ɔ! AWURADE yeɛ ɔkɔtɔ wɔ so wereɛ kɔma me ɔ. Nakoso me de, mengɔfa me sa ngɔhã wɔ.

1 Samuel 24:12 Iomraidhean Croise

Gyenesise 16:5

Na Sarae sele Abram kyɛ, “Edwirɛ tɛɛ bɔ ɔfa di me ne, ɔkɔbɔ wɔ ti so. Me yeɛ mvale m’afaneɛ mane wɔ kyɛ ɛne ye bɛla ɔ, nakoso onwuni kyɛ ɔnwonzɛ nen, afei de ommu me. Mesrɛ kyɛ AWURADE obua wɔ ne me y’afia ndɛen!”

Gyenesise 31:53

Abraham Nyameɛ bɔ ɔte Nahɔ Nyameɛ na osa te bɛ baba Nyameɛ ne, óbua me ne wɔ y’afia ndɛen.” Yiti Yakob fale Nyameɛ bɔ ɔse Yisake suro ye ne tale ndaen.

2 Samuel 22:48

Nyameɛ bɔ ɔtɔ me pɔfoɛ so wereɛ ma me ɔ, ye bɔ ɔbrɛ maen maen mɔ ase wura me bo ɔ,

1 Aberɛso Dwirɛ 12:18

Yeɛ Amasae bɔ ɔla koɛhonɛfoɛ aburasa nemɔ noa ne, Sunzum ne wale ye so ɔ, na ɔhane kyɛ, “O Dawide, yɛte wɔ deɛ; O Yese awa, yɛne wɔ ala! Asomdwee, asomdwee ɔ́yɛ wɔ deɛ, ná ebiala bɔ ɔkɔboka wɔ ne koso, ónya asomdwee! Ofikyɛ wɔ Nyameɛ yeɛ ogyi wɔ si ɔ.” Yiti Dawide maa bɛɛbokale ye so, na ɔmaa bɛlelale ye koɛhonɛfoɛ nemɔ noa.

YOB NWOMAA NE 5:8

“Sɛ me ahɔ a, ahaa ngɔpena Nyameɛ si atee, na Nyameɛ yeɛ ngɔfa me dwirɛ ngowura ye sa ɔ.

Edwein 35:1

Ao AWURADE, tu wɔ nye sie bɛ bɔ betu bɛ nye besie me so ɔ nemɔ aso, na ko tia bɛ bɔ bɛko betia me ne!

Edwein 43:1

Ao Nyameɛ, bua me be, ná di me dwirɛ ma me fi amumuyɛɛ maen sa nu; pepɛ de me fi nnakannakafoɛ ne ndɛengyeafoɛ bɛ sa nu!

Edwein 94:1

Ao AWURADE, wereɛtɔlɛ Nyameɛ, wereɛtɔlɛ Nyameɛ, kyire wɔ tumi!

Romanfoɛ 12:19

Aliɛmaa mɔ, nnɛma ɛmɔtotɔ ɛmɔ nwo wereɛ, na mmom ɛ́mɔyakyi bɛ́ma Nyameɛ ahonehulɛ ne. Ofikyɛ bahyerɛ kyɛ, “Wereɛtɔlɛ te me deɛ, na ngotua so kerɛ, Awurade noa dwirɛ ɛne.”

1 Petro 2:23

Bɛpepɛle ye nzoaa nen, wangakyi wamma bɛ; mmerɛ bɔ né onwu amaneɛ nen, wannwunanwuna; na mmom ɔfale ye nwo wurale bɔ obua ndɛen turoloo ne sa.

Nyekyire 6:10

Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”

Maenbulɛfoɛ 11:27

Nna me yeɛ mayɔ wɔ tɛɛ ɔ, na mmom wɔ yeɛ ayɔ me tɛɛ bɔ ɛfa koɛ batoa me ɔ. AWURADE bɔ ɔte ndɛenbualɛniɛ ne, ɛnɛ okohyire Yisraelfoɛ ne Amonfoɛ bɛ nu horɛ bɔ ye dwirɛ yɛ fɛ ɔ.”

1 Samuel 20:1

Dawide nwatili fili Nayote bɔ ɔwɔ Rama, na ɔhɔle Yonatan berɛ oobisale ye kyɛ, “Mayɔ nzu? Nzikyɛ mvomsoɛ yeɛ mayɔ ɔ? Nzikyɛ bɔne yeɛ mayɔ matia wɔ baba bɔ yiti ɔpena me ku me ye?”

1 Samuel 24:15

AWURADE te ndɛenbualɛniɛ, na yɛ nu ko bɔ odi fɔ ne, okobua ye fɔ. Mesrɛ kyɛ ɔneanea nu, oli me dwirɛ ma me, ná ole me fi wɔ sa nu.”

1 Samuel 26:23

Sona biala ye tengyɛlɛ ne ye nahorɛlilɛ, yeɛ AWURADE gyina so ɔma ye nwo akatuaa ɔ. AWURADE fale wɔ wurale me sa ɛnɛ kyẽa ye, nakoso né menguro kyɛ ngɔfa me sa ngɔhã sona bɔ AWURADE apopa ye ngoo ne ɔ.