1 Samuel 24:11 - AHYERƐLƐ KRONGRON

¹¹ Oo me baba, nea kyɛ ndira w’ataadeɛ tendenn ne noa ɔ. Sɛ mapɛ w’ataadeɛ tendenn ne noa, ná mangu wɔ a, ye de odi kyɛ ɛte ye bo kyɛ, wɔ nwo adwene tɛɛ biala nne me ti anu, anaa nnyɔle wɔ nwo lɔen. Nnyɔle wɔ bɔne biala, nakoso ɛpena me ku me.

1 Samuel 24:11 Iomraidhean Croise

2 Samuel 1:14

Na Dawide bisale ye kyɛ, “Sona bɔ AWURADE apopa ye ngoo ne, yiti anzuro kyɛ ekohu ye ɔ?”

2 Ahemvo 5:13

Nakoso ye somvoɛ nemɔ hɔle ye nwo berɛ beesele ye kyɛ, “Yɛ mene, sɛ ngɔmhyɛlɛniɛ ne, ɔhane kyɛ ɛyɔ nikyee serɛ bie po a, ahaa ɛngɔyɔ anaa? Na sɛ wahã wahyire wɔ kyɛ, ‘Kɔ bia asue nu ma wɔ nwo te’ a, nzu ati yeɛ ɛngɔyɔ ɔ?”

YOB NWOMAA NE 10:16

Sɛ mema me nwo so a, ɛyɛ kyɛ gyata bɔ ye nye aboro ɔ ɛfoa me, na esa yɔ anwanwadeɛ nningyein etia me.

Edwein 119:161

Maen mbanyi bɛtane me nye mbaen, nakoso mesuro kyɛ mengotie wɔ dwirɛ ɔ.

Edwein 140:11

Sona bɔ ɔkekã mmenia nwo dwirɛ ne, nnɛma oyie ye yé wɔ aseɛ ne aso, ma musue oli patapaaniɛ si yerɛlɛlɛlɛ!

Edwein 35:7

Ofikyɛ basua me ngaen wɔ aberɛ bɔ nnyɔle hwee ɔ; bapɛ kumaa bama me kra wɔ aberɛ bɔ nnyɔle hwee ɔ.

Edwein 59:3

Ao AWURADE, nndole mmeraa biala, yeɛ nnyɔle bɔne biala, nakoso kekesaala ye po, bɛtetɛ me beku me; nzɛmmɔnefoɛ bɛboa bɛ noa bɛbɔ me ti so porɛ.

Edwein 7:5

ye de ma me pɔfoɛ ɔfoa me ɔɔto me; maa otiatia me ngoa so wɔ nnɛterɛ nu, ná ɔ́fa me kra owura mvuture nu. Sela

Anyandera 15:1

Ɛyɛ wɔ noa bɛtɛɛ ɛma mmuayɛɛ a, ɔma ahone tɔ nzue nu, nakoso edwudwo fumfum a, ye de ɔma ahone hu.

Awuye 4:18

Bɛtetɛ yɛ, yiti yɛngora yɛngɔ yɛ dwaa mɔ so: Y’ayieleɛ apingye, yɛ ngyẽa ayie, ofikyɛ y’ayieleɛ adwu.

Hesekiel 13:18

AWURADE Nyameɛ nwa nyoo: Musue kɔto ɛmɔ! Mmrasua bɔ bɛnwo ngonyaa nzɛbɛ begua mmenia sa kɔm amukoraa, ɔne eduku bɔ bɛpomba bɛma mmenia ti ahoroɔ amukoraa, bɔ ɔnate so bediedie mmenia kra bɛkɔ bɔne nu ɔ! Ɛmɔsua ngaen bɛkye me maen mmaa bɛ kra, bɔ ɛmɔ bɔbɔ bɛ deɛ de, ɛmɔpena kyɛ onya ngoa ɔ?

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Yohane 15:25

Na ɛhe ama edwirɛ bɔ bahyerɛ ye wɔ bɛ mmeraa ne anu ne wawa nu kyɛ, ‘Bɛpɔle me mbaen.’

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 18:27

yeɛ Dawide tuli ye bo ɔ, ɔne ye koɛhonɛfoɛ nemɔ, na oohuni Filistifoɛ ɛyaa nyɔ. Dawide fale bɛ bienzua noa nwomaa ne wale. Bɛfale nwomaa ne somaa pɛpɛɛpɛ bɛmane Nana Sɔɔlo, kyɛbɔ ɔkɔyɛ bɔ Dawide kɔyɛ Nana sia ɔ. Na Sɔɔlo fale ɔwa Mikal mane Dawide gyale.

1 Samuel 23:14

Dawide tenane ɛserɛ so anwoserɛ afealeɛ nemɔ anu, wɔ mmokaa aseɛ bɔ ɔwɔ Sife ɛserɛ ne aso. Sɔɔlo hɔle so penane ye mmerɛ biala, nakoso Nyameɛ amva ye wanwura ye sa.

1 Samuel 23:23

Ɛmɔɔpena benwu ye afealeɛ ne amukoraa, ná ɛ́mɔfa ye nwo amaneɛ pɔtee bɛɛbɔ me. Ɔba ye sɔ a, me ne ɛmɔ yɛkɔhɔ. Na sɛ ɔwɔ mbɔtam berɛ angome de a, ye de ngɔpena ye wɔ Yuda mmusua amukoraa nu.”

1 Samuel 25:28

Mesrɛ wɔ ala, fa w’afaneɛ mvomsoɛ kyɛ ye. AWURADE kɔma me mene ne ye boso ama bekoli hene afebɔɔ amba, ofikyɛ AWURADE koɛ yeɛ me mene ɔko ɔ. Na edwirɛ tɛɛ biala ngɔto wɔ wɔ mmerɛ biala bɔ ɛte ase ɔ.

1 Samuel 26:18

Na Dawide fa sɔle so kyɛ, “Nzu ati yeɛ me mene ɔfoa ye somvoɛ ɔ? Mayɔ nzu? Bɔne beni yeɛ mayɔ ɔ?

1 Samuel 26:20

Yiti aseɛ bɔ so ama nze AWURADE ne, nnɛkã me mogya gua wɔ so. Sosoa komapɛ yeɛ Yisrael hene asi nu wawa kyɛ ɔbaahye ye ɔ, kyɛbɔ sona foa akɔkɔhwereɛ wɔ mmokaa so ɔ.”

1 Samuel 26:23

Sona biala ye tengyɛlɛ ne ye nahorɛlilɛ, yeɛ AWURADE gyina so ɔma ye nwo akatuaa ɔ. AWURADE fale wɔ wurale me sa ɛnɛ kyẽa ye, nakoso né menguro kyɛ ngɔfa me sa ngɔhã sona bɔ AWURADE apopa ye ngoo ne ɔ.