1 Samuel 24:10 - AHYERƐLƐ KRONGRON

¹⁰ Tie, ɛnɛ kyẽa ye, wɔ nye tua kyɛbɔ AWURADE fale wɔ wurale me sa, wɔ nyɔboɛ bɔ wasi sua ne anu ɔ. Ebiemɔ sele me kyɛ ngu wɔ, nakoso mamaa anya wɔ ti adidi nu. Na ngane kyɛ, ‘Mengɔfa me sa ngɔhã me mene, ofikyɛ AWURADE apopa ye ngoo.’

1 Samuel 24:10 Iomraidhean Croise

Edwein 105:15

Ɔhane kyɛ, “Me mmenia bɔ mapopa bɛ ngoo ne, nnɛma ɛmɔfa ɛmɔ sa bɛkã bɛ; yeɛ me ngɔmhyɛlɛfoɛ koso, nnɛma ɛmɔyɔ bɛ bɔne biala!”

Edwein 125:3

Ahemvo bɔnefoɛ mɔ bɛ hɔtɔ ngɔhɔ so ngoli tumi wɔ aseɛ bɔ bafa bama teneneefoɛ ne aso, kyɛbɔ ɔkɔyɛ bɔ teneneefoɛ bɛngɔfa bɛ nwo bɛngɔfɔlefɔle amumuyɛɛ ɔ.

Edwein 7:3

Ao AWURADE me Nyameɛ, sɛ mayɔ sɔ a, sɛ mayɔ amumuyɛɛ a,

Edwein 7:4

sɛ mafa bɔne matua sona bɔ ɔne me te asomdwee nu kerɛ, anaakyɛ mafa atee tɛɛ so mafa me pɔfoɛ nningyein a,

Ɛksadɔso 21:13

Nakoso sɛ wanhyɛ da yeɛ ohuni ye ɔ, na mmom Nyameɛ yeɛ ɔfale ye wurale ye sa a, ye de ngɔpena nekaa bɔ ɔkɔnwati kɔhɔ ɔ ngɔma wɔ.

Hesekiel 22:9

Wɔ nu mmenia bɛpɛ dwirɛ bɛto mmenia so beku bɛ; mmokaa so asɔneyɛɛ so yeɛ wɔ nu mmenia bedidi ɔ, na nyanzoen bra yeɛ bɛbɔ ye wɔ wɔ nu ɔ.

Lewitikɔso 19:16

Nnɛkyinikyini kekã mmenia nwo dwirɛ tɛɛ, nnɛdi adanzewia ma ebiɛngo nya ewue, ná enya ye wue si mvasoɛ: Me ole AWURADE.

1 Samuel 24:4

Na Dawide mmenia nemɔ sele ye kyɛ, “Ɛnɛ kyẽa ye yeɛ AWURADE hane ye nwo dwirɛ hyirele wɔ kyɛ, ‘Ngɔfa wɔ pɔfoɛ ngowura wɔ sa maa ɛkɔfa bɔ ekuro biala kɔyɛ ye.’ ” Na Dawide yɛle kudɛɛ ɔɔpɛle Sɔɔlo ataadeɛ tendenn ne noa.

1 Samuel 24:9

Na Dawide sele Sɔɔlo kyɛ, “Bɛ bɔ bɛkeka kyɛ, ‘Dawide pena wɔ ku wɔ’ ne, nzu ati yeɛ etie bɛ dwirɛ ye?